Lucas 18:31 - Bíblia

³¹ Waneya Jesus hanikna kahnete doze rasruklene, waneya wla htshinatkana: — Jerusalém poktshi nwaka wyamtanu. Wane poktshikni rakanhini ptowruka yonatkaluru tshinyawaka mitshi Hoyakalu tokanu hinkakletatshinni yonre tshinyawaka pixka Jeji Whene pirana.

Lucas 18:31 ပူးပေါင်းရင်းမြစ်များ

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Mateus 27:63

Waneya wla htshinatkaluna: — Tsru Hixikatshriwa, wuchiniklu wale kyokwirewaklerni riwekakanaxinni wla htshina, Map-hohne hiknohinpatka niwekkako.

Marcos 8:9

Nikatshine quatro mil yine. Waneya Jesus yokanatna hyiywakpatkana.

Lucas 10:30

Waneya Jesus hihitlu: — Wanekananru satu jeji Jerusalém poktshi yopijikatshri. Jericó nwaka hyakananumta. Katshowhurune yehi rapokana. Hkomkahanruna. Ruylakanruna. Waneya hyatkana. Rupnakastsitkani ruchomtatkaluna.

Lucas 9:22

— Jeji Whene tshinkaluru hijhalu hsalewniywaka hixo pa hixanu tshinanuya. Nuknokko tsrukakalune judeu-ne hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Lucas 9:51

Waneya wla rixa. Rapokpapkolupiraxinixka tenhohne hyiywakapa, Jesus hichinikanretlu Jerusalém poktshi hyiywakapa.