Lucas 18:22 - Bíblia

²² Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 18:22 ပူးပေါင်းရင်းမြစ်များ

Mateus 19:21

Waneya Jesus wan-tshinru: — Potukalumka pixinipa, puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 10:42

Satupkalu hijhakalur-potu. Maria-kni kihleru nuretatka. Hiyrun-koxa hi tkonko tnurreru.

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 16:9

Hiyáhoni wla ntshinhi: Hikchikanru himatletleru xye tshijne pohirewnaleyma. Waneya wale pohirewnalu nikawninipa, hyoptotkona hwikowaka hikeklu mnikawnakatu yehiya.

Lucas 18:21

Waneya phuru hihita: — Nmatureyakawa haté xawakni nomkahitlu xye hiykolu ptowruka.

Lucas 18:23

Waneya wale pirana hyijnakoxinixka phuru, hwamonuwnapotuta klu tshinanu phurupotukni.

Lucas 9:23

Waneya wane htshinna wanna ptowruneka: — Satu yineru haluk-homkahrexinno, rujhalu pa hohne pejnu wale ralujyawaka ruchoxyawaka, ptowru hohneruka rutaykopitanru h-cruz-te waneya romkahitanno hita.

Filipenses 3:13

Cristo tshinanu nmoletanune, hi nkahwaklu nali yoptolexyawakatkalu numlujikolu. Seyni xye tsonu nkamhajeta. Natjiniyaka sreta nutaklu ptowruka niknohjerutka seyni nyapretaka hwapletanruni nkosekamxijeru.

2 Pedro 3:8

Nuchinikanune, hi mimatkane pixka hixanu. Seyni himatanu Tsru Hixikatshriwa Hoyakaluya satu hohne hatatjewa mil mhale pejnu rixahotlu hiyrun-koxa mil mhale pejnu pa hohnepka rikahwaklu Hoyakalu.