Lucas 18:14 - Bíblia

¹⁴ Waneya Jesus wan-tshina: — Wane ntshinhi jeji mitshikananu hanjihohnetatshri hi ruhlehchinikanutka seyni hapkat-hanjihohneretatshri kihle hchinikanutka hsatkapa hipji nwaka Tsru Hixikatshriwa Hoyakaluyma. Klu tshinanu katukta kihle rixahoxnawa mtserutu rixinixkawa seyni katukta mtserutu hixakanaxinwa htserutkotka.

Lucas 18:14 ပူးပေါင်းရင်းမြစ်များ

Mateus 23:12

Klu tshinanu katukta kahwakpiratkaluru hitajinwa, malukkotu rutakko wale. Seyni malukkotu hikahwajikatshriwa, hkahwakpiratka wale.

Mateus 5:3

— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

Lucas 1:52

Phurunekananu hkonyana hpohirewaxinrina. Waneya hike mkochpakkanekananu tsru rixkakatkana.

Lucas 10:29

Seyni hinanchitkaluru pirana hasruklewatatshri haluka powratlexnawa hiyáhoni wla htshinru Jesus: — Seyni katnihe nimwastsireru?

Lucas 14:11

Klu tshinanu katukta kahwakpiratkaluru hitajinwa, malukkotu rutakko wale. Seyni malukkotu hi kahwajikatshriwa, hkahwakpiratka wale.

Lucas 16:15

Hiyáhoni Jesus wan-tshinna: — Kihle hetko hikahwajnawa pimrine hetanuya seyni Hoyakalu himathethajithi, hanu potu hixatshinhi. Klu tshinanu yine hikchikhihlenrer-potu, walekni rahnanuta Hoyakalu.

Romanos 3:20

Seyni hike yineru Moisés yonreru kamhatshri powratko Hoyakalu hetanuya. Klu tshinanu Moisés yonreru pirana rimathexikatka muhletu rixyawaka yineru.

Romanos 4:5

Klu tshinanu katukta hi munanhanru hkamrure seyni Hoyakalu potukatlewatatshri hmunahanu, ralixle tshinanu hpowratko Hoyakaluya.

Romanos 5:1

Wpowratka, halixlewlu tshinanu hiyrunu hihlehchinikanyehitkalunwu Hoyakaluyma. Tsru Hixikatshriwa Jesus Cristo kamhaleru tshinanu.

Romanos 8:33

Kathe xawaka himukata kahekletna Hoyakalu nurrene? Hikeni klu tshinanu Hoyakalukni potukatatkana.

Gálatas 2:16

Wimatlu Moisés yonreru pirana homkahixikolu hi powratlu yineru. Seyni Jesus Cristo halixikolu powratlewata halikaka. Hix-koxa Jesus Cristo walixa, wpowratka Cristo halixikolu tshinanu, hi Moisés yonreru homkahixikolu tshinanni. Klu tshinanu hi satuknako yineru powratko Moisés yonreru pirana homkahixikolu tshinanu.

Tiago 4:10

Mayohone hixinwa Hoyakalu hetanuya. Wan-hixatshinephi Hoyakalu tserutahchinikanutanu.

Tiago 4:6

Seyni Hoyakalu hepixle repixachaxyawu pot-himukatatshrini. Hiyáhoni wla htshina Hoyakalu: “Hoyakalu satkakanna halixkoxikatshriwa seyni ruhlenu hepixlewatatshri repixikna kpoyikonerune.”