Lucas 18:12 - Bíblia

¹² Pa semankaka hepi kata hita hi nika hiyrun-koxa Hoyakalu nenekjetlu psoji ptowruka nkayaleru.”

Lucas 18:12 ပူးပေါင်းရင်းမြစ်များ

Mateus 5:20

Klu tshinanu wane ntshinhi, fariseu-ne hiyrunu kasruklewaklerune hinanchitkaluru pirana hasruklewatatshine kamrure yohnik-potuknurutu hma kamhaknuklunu tenhohne pohirewaxyawaka hi himukata jihlokleta.

Mateus 6:1

— Xako hi yine hetanu hkamhanru hkamrure kihleru Hoyakalu tshinanu klu tshinanu wan-hixini, hiru tenhohne hajeru hike himlujikolu henekanyi.

Mateus 6:16

— Hixa hohajirewaxini Hoyakalu tshinanu, hi wamonuwhojitatshinetka pimrine hixachatatshine pixka hix-hohajirewleta. Wanna honra rohajirewaxinna hektu rixhojixnawana pimrine hexyawaklu rohajirewatna. Hita wan-tshinhi yine hexyawakna tsonu kamhatshine hike hiyrunu rumlujikolna hyoptotanutkana.

Mateus 6:5

— Hiyrun-koxa hixa hanjihohnexini, hi pimrine hixachatatshine pixka hixanu. Wanna honra hikchikhihlenutlu hyopkaka hanjihohnerexyawakna hanjihohnewakapjiya hiyrunu hatnu hapo yoptowakkakaya ptowru yineru hexyawakapna. Halikaka ntshinhi yine hexyawakna wanna rumlujikolnina hike hma yoptoxyawakanupna.

Mateus 9:14

Waneya João Batista hasruklene yanwakatlu Jesus waneya repomhaluna wane htshinruna: — Haklu tshinanhe hixa João hasruklenwu, fariseu-ne hasruklen-koxa hohajirewata seyni pasruklene nika?

Lucas 11:42

— Hapnokatkalunephi hixa fariseu-ne-nhi! Klu tshinanu hixamka ptowrukmaka himwaleru Hoyakalu psoji henekjeta. Haté phamlu sureru phuta psoji arruda sure hapikjetlu hiyrun-koxa ptowru hejnuj-sure psojite Hoyakalu penekaphutjeta. Seyni Hoyakalu chinikannu hiyrunu ruchiniklewle hixa hiknokachata. Xyekaka himukata kamhaleta hiyrunu hi pimrikaka hiknohachatanu.

Lucas 17:10

Hiyáhoni hix-koxa ptowru potuko htowuxikowaka hali kamhalexini, wla htshinanu: “Hixa towrertshinwu hike hepixatshinwu. Klu tshinanu wtowuxikolupka wkamha.”

Romanos 3:27

Hiyáhoni wumukata tserpiranatlexnawhe hix-nanuko? Hike! Kluneru tshinannihe? Moisés yonreru pirana womkahixyawakatka tshinanrahe? Hike, seyni Jesus walixyawaka tshinanni.

1 Coríntios 1:29

Hiyáhoni hi satukna yineru halixkoxikatshripwa Hoyakalu hetanuya.

Gálatas 1:14

Waneklu papko judeu hiykole nomkahpotutatka. Wane potu nixa homkahretlu wutsrukatenni judeu hiykolekaka haté pimrine hixolune hita pixkalune pnute nix-hita.

Efésios 2:9

Hi wkamrure tshinanni, hi satukna halixkoxinwa.

1 Timóteo 4:8

Klu tshinanu wimane hasrujikowaka psotsonu repixlewaxya. Seyni Hoyakalu halujyawaka homkahixikowaka ptowru potuko repixlewaxya. Klu tshinanu repixlu wiwekle xawakni papko hiyrun-koxa hiweklu hinatshripa Hoyakalu hinkaklexyawu.