Lucas 17:30 - Bíblia

³⁰ Waneko pixka rixanu Jeji Whene tshinkaluru ruphujewnin-hohnepa.

Lucas 17:30 ပူးပေါင်းရင်းမြစ်များ

Mateus 16:27

Klu tshinanu Jeji Whene hiyrunu hiwejikalune htowrene tenhohne hajene hapokanu Hoyakalu hoyaknuyma. Waneya renekanru satkaka yineru hkamrure wenru.

Mateus 24:3

Waneya Jesus Oliveiras mriji tuplaxini, rasruklene yanwakatlu wannapkani. Waneya repomhatkaluna Jesus, wla htshinna: — Kasruklewakleru, hikluhe wan-rixanu? Klunerhe rakaxrikletanu rekhixyawakaplu xye ptowru potuko hakanhapiraxinpatka? Hanhe wixa himatletanru punyawaka xye tshijne nikawnini hohnepatka?

Mateus 24:37

Noé-klu papko pixka rixanu Jeji Whene tshinkaluru hapojinri papkopa.

Mateus 24:39

hi hkahwaknina hahyekachalu seyni runatka hahyekachalu, ptowrunnika yinni hnikata. Waneko pixka rixanu Jeji Whene hapojinri papkopa.

Mateus 26:64

Jesus hihitlu, wla htshina: — Hehe, pixako wan-tshina. Seyni ptowruneka tshinanu wla ntshina: Xawaknikananuko hixa hetanru Jeji Whene, hohimkohi hoho hapokatshripa, Ptowru Himukatatshri Hoyakalu potukle sreta tuplatatshripni.

Marcos 13:26

Waneya Jeji Whene retanna, hohimkohi rapojini royaknuyma tsru pixkonuyma koxa.

Lucas 17:24

Klu tshinanu rawrakle pixka rixanu, pa sreta hyinuwaka hawraklexini haté pa sreta hohne rapokhawrakletsatanu. Waneko pixka rixanu Jeji Whene tshinkaluru hapojinri hohnepa.

Lucas 17:29

Ló tshinkalurni hichpajin-hohne potuko, Sodoma poktshiya wan-rixanixkana. Waneya hina pixka rixa hijrukleta tenhohneya tshitshmero hiyrun-koxa enxofre. Ptowrunnik-yinni hnikata.

Lucas 21:22

Klu tshinanu waneklu papkopa hapnokatlu hohnepatkani, rakanhiywakapa ptowru potuka yonatkaluru Hoyakalu piranaya.

Lucas 21:27

Waneya Jeji Whene tshinkaluru hiphujewnanu, hserpikanu hohimkohiya tsru hpixkonu ratnuyma.

1 Coríntios 1:7

haté hixa hi hmahaxyatka hi satukna kihler-potuko Hoyakalu henejyawu, hkahwakka pchiniklu hsatojyawaka Wutsrukate Jesus Cristo.

1 Coríntios 1:8

Hoyakalu poyehitahchinikanutanhi haté hihohne nikawninri papko, hi psojikna hjihyehitko Hoyakaluya Wutsrukate Jesus Cristo hohne hapojinipa.

Colossenses 3:4

Hixa wiwejinri halikakalutu Cristo-ni. Waneya ruphujewninipa Cristo hix-koxa hiphujewnanu waleyma royaknu yehi.

2 Tessalonicenses 1:7

Waneya hixa kojwaklu hetjetatshinhi hixayma hapnanutanutka Tsru Hixikatshriwa Jesus hiphujewninipa tenhohne runini, htowrene hiwejikalune tenhohne hajene hixkolune rimapojinpatka.

1 Pedro 1:13

Hiyáhoni xawakni hihchinikanu halpokotanu. Hiyokahchinikanutatshinephi. Hoyakalu hihlenu kahwakatshinephi haté nikawnahohnexinipa. Xye henekko Jesus hiphujewnini hohnepa.

1 Pedro 1:7

Seyni hsalewna, halixle hyahoxika, rimathexikowakapa ho halikaklahe halixlu ho hike. Ouro koxa moyakatu, rixirikka tshitshipawayma, waneko pixka rixko halixlu halukkaluru potuko, tshitshipawa pixkalutuyma hyahoxika. Wan-rixko yineru halixle rumukata himalwuretko, ruphujetko walixle, htserpiranatko walixle Jesus Cristo hapojinri klu papko.

1 Pedro 4:13

Seyni hpoyikowatanu, klu tshinanu Cristo salewnale pixka hixa saletletkalunhi. Hiyáhoni Cristo hoyaknu hiphujexikolupa hix-koxa himwapotutanu, tsru himuwluyma potuko.

1 João 2:28

Mturune pixkalune, waleymalunephi hiyáhoni ruphujewniniklunupa hike wpikanu hiyrunu hi wpatewatanu wale hetanu rapojiniklunupa.

1 João 3:2

Nuchinikanune, xawakni halikakni Hoyakalu whenenetkawu. Wanepnawaka hi wimatjemkakatka hanu potu hixatshinektapwu. Seyni wimata, ruphujewniniklunupa Cristo wale pixka potuko wixanu, klu tshinanu wetpotutanru rixyawak-potuko.

Apocalipse 1:7

Hetanu. Hohimkohi hoho rapojinipa. Ptowrunek-yine potuko hetanru, haté ruylatjene yohlolewapiya hetanru. Ptowru tshijne hajene tshiyahatanu wale tshinanu. Halikakni. Amém.