Lucas 17:25 - Bíblia

²⁵ Seyni mitshikananhapka rujhalu hsalewniywaka hiyrun-koxa ruknokko xye hohne hiwekatshine klu papko.

Lucas 17:25 ပူးပေါင်းရင်းမြစ်များ

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Mateus 21:42

Waneya Jesus wla tshinna: — Hi he Hoyakalu pirana hexyalu xye pirana? Wla htshina: “Sotlu kpanawaklerune malukkotu rikahwakluna hepixlewatatshri potukni, psolupjiko poyehitatshrini wale. Tsru Hixikatshriwa kamhalerni hiyáhoni kihle potuklu hixa hetanuya.”

Marcos 10:33

— Jerusalém poktshi nwaka wyamtanu. Waneya Jeji Whene tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine renekko. Waneya rukolukanuwnakakanruna ruylajixanruna, judeu mixkane renekko.

Marcos 12:10

Hi he het-yonhatlo Hoyakalu tokanu wla tshinatshri: “Sotlu kpanawaklerune malukkotu rikahwakluna hepixlewatatshri potukni, psolupjiko poyehitatshrini wale.

Marcos 8:31

Waneya Jesus yinuwaka hasrukletna rasruklene, waneya wane htshinna: — Hita Jeji Whene tshinkalurno, nujhalu nsalewnapotuxyawakapa. Nuknokko tsrukakalune judeu-ne yehiya hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Marcos 9:31

klu tshinanu rasrukna rasruklene, wla htshinna: — Jeji Whene tshinkaluru yine renekko. Wanna hiylatanru seyni map-hohne rixinri riwekanutnaka.

Lucas 18:31

Waneya Jesus hanikna kahnete doze rasruklene, waneya wla htshinatkana: — Jerusalém poktshi nwaka wyamtanu. Wane poktshikni rakanhini ptowruka yonatkaluru tshinyawaka mitshi Hoyakalu tokanu hinkakletatshinni yonre tshinyawaka pixka Jeji Whene pirana.

Lucas 18:33

Hkotshipjetko waneya ruylatko. Waneya map-hohne rixinri riwekanutnaka.

Lucas 24:46

Waneya wane htshina: — Hyonpiranatka Messias tshinkaluru haluka salewnaleta seyni map-hohne rixinripa riwekanutnaka hipnatshine tskalaya.

Lucas 9:22

— Jeji Whene tshinkaluru hijhalu hsalewniywaka hixo pa hixanu tshinanuya. Nuknokko tsrukakalune judeu-ne hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

João 1:11

Runatka waleko rayinetene yehimka seyni rayinetene hi ralukanatkaluna.

João 12:38

Wan-rixna hpoyahokajyawakapa Isaías tshinkalurni, hinatshripa pirana hinkakletatshri tokanu, wla tshinatshri: “Tsru Hixikatshriwa Hoyakalu katnihe satu wunkakle halixatshripa? Katu nwakhe ruphujexiko Hoyakalu himukatle?”