Lucas 17:24 - Bíblia

²⁴ Klu tshinanu rawrakle pixka rixanu, pa sreta hyinuwaka hawraklexini haté pa sreta hohne rapokhawrakletsatanu. Waneko pixka rixanu Jeji Whene tshinkaluru hapojinri hohnepa.

Lucas 17:24 ပူးပေါင်းရင်းမြစ်များ

Mateus 24:27

Klu tshinanu rawrakle pixka rixanu, pa sreta hyinuwaka hawraklexini haté pa sreta hohne rapokhawrakletsatanu. Waneko pixka rixanu Jeji Whene tshinkaluru hapojinri hohnepa.

Mateus 24:30

Hiyáhoni tenhohne Jeji Whene himaxikolepa hakanhini waneya psol-tshijne nerkaka htshiyahatanna kaheknanuwlu tshinanu. Waneya Jeji Whene retanna, hohimkohi rapojini royaknuyma tsru pixkonuyma koxa.

Mateus 25:31

— Jeji Whene ruphujewnin-hohnepa, royaknuyma runanu hiyrunu hiwejikalune htowrene tenhohne hajeneymalu. Phuru tuplawakle htuplatanu rukolukanuwniywakapa.

Mateus 26:64

Jesus hihitlu, wla htshina: — Hehe, pixako wan-tshina. Seyni ptowruneka tshinanu wla ntshina: Xawaknikananuko hixa hetanru Jeji Whene, hohimkohi hoho hapokatshripa, Ptowru Himukatatshri Hoyakalu potukle sreta tuplatatshripni.

Mateus 5:15

Hiyrun-koxa hikeklu yineru lamparina nikotatshri hachhaji hpuko hitakanro. Seyni halikaka lamparina hitajikowaka tutakka, ptowru yineru walepji hajene hapkathojixyawakapa tnikotle tshinanu.

1 Coríntios 1:8

Hoyakalu poyehitahchinikanutanhi haté hihohne nikawninri papko, hi psojikna hjihyehitko Hoyakaluya Wutsrukate Jesus Cristo hohne hapojinipa.

1 Tessalonicenses 5:2

Klu tshinanu hixako himatpotutlu Tsru Hixikatshriwa Cristo hapojinri hohnepa katshowhuru hoyetshno hapokatshri mpohitkotuko pixka rixa hinretanu.

2 Tessalonicenses 2:2

Ho satu hiwejikaluru tokanu hix-yehi hapojinipa ho satu hinkaklewlu ho satu yonawahlo hix-yehi hapojinipa, Cristo hapojinri hohne hapokatka tshinatshri hi himyekahchinikanutanu, hi hkojwakahchinikanutanu yáholu hixa yonre htshinko.

2 Tessalonicenses 2:8

Waneyapa tsru hektunuru hiphujewnanu. Seyni Tsru Hixikatshriwa Jesus hinniphayma tsonu hiylatanru. Hiyrun-koxa Cristo himapokanru tsru ruyákole hatawnatshri potuko hnikaxinri tsru hektunurupni.

Tiago 5:8

Hix-koxa mchiretanunephi. Hmixkotahchinikanuxinwa. Klu tshinanu Wutsrukate Cristo hapokle hi howukatka.

2 Pedro 3:10

Klu tshinanu Tsru Hixikatshriwa Cristo hininri hohnepa hapokanu, katshowhuru hapokle pixka rixa hapokletanu. Waneklu papkopa tenhohne herutkotka tsru sejirtshiymapa. Xye hohne hikamrurewleru hiprahkanu tsru hameru tshinanu. Xye tshiji hiyrun-koxa ptowru kamhakaluru, xye tshiji hwatshri, nikawnanu.