Lucas 17:2 - Bíblia

² Kihlepotmaklu tsru sotlu rostunojixikowaka waneya mar powha ruknojikowaka hma pupjekajyawakanupna mtserkakanewa.

Lucas 17:2 ပူးပေါင်းရင်းမြစ်များ

Mateus 17:27

Seyni wma jihejyawakanupna nyi yine, hipowha pyanu, pkowtshohtapanu. Waneya mitshikananu pkachrero chima, pkohreknamatanro waneya pukchikanro tiyiro proji prata kamhikolu hixanu wujhawenuxikolu poyaho wenutlexyawaka pso. Waneya tiyiro proji panikanu, pwenutapanru wujhawenuxikolu hita tshinanu hiyrunu pixa tshinanu.

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 18:14

Waneko pixka rix-koxa Hirtshi tenhohne hajeru, hi raluklu satu mturu hamhiywaka.

Mateus 26:24

Jeji Whene tshinkaluru halikaka hipnanu Hoyakalu hixahchinikanuxyawaka pixka. Seyni hektu potlu wale jeji, Jeji Whene tshinkaluru kamnitatshri. Kihle potlu wale jeji hma matuxyawakanutka.

Marcos 9:42

Waneya Jesus wla tshina: — Katukta himtuwna halixlekakna nalixjene mtserkakanewa, kihlepotmaklu tsru sotlu rostunojixikowaka waneya mar powha ruknojikowaka.

João 21:15

Waneya rali niklexinixkana, Jesus wla tshinru Simão Pedro: — Simão, Jonas whene, puchinikanretnohe hita nyi pimrine pnute? Waneya Pedro wla tshinru: — Hehe Tsru Hixikatshriwa, pimatlu nuchinijyawakyi. Waneya Jesus wla tshinru: — Pohlutanna noprane carneiro whenene pixkalune.

1 Coríntios 9:15

Seyni hita hikeklu wane nixa. Xye pirana hi nyonatlu wan-hixyapno hit-koxa. Kihlemkano nupniywakhapkatka. Satukna yineru malecha hma mixinutupa nkamrure kihleru.

1 Coríntios 9:22

Hihroka halixletatshine tshinanu hihrokatshri pixka nixnawa hihrokatshine naluk-hikchikletkal-tshinanu. Ptowruneka tshinanu, ptowrukakako nixnawa, satkaka numukata hiwekkaklexyawakapa.