Lucas 16:8 - Bíblia

⁸ — Waneya phuru hikchikhihlenutatkalu pantshi muhle hislahletkatu rimatkalnu tshinanu. Waneya Jesus wla tshina: — Yine, xye hohne hwatshine, yine katawaka hwatshine yohnik-jimatkalerunni xye tshiji hajeru piranaya.

Lucas 16:8 ပူးပေါင်းရင်းမြစ်များ

Gênesis 3:1

Seyni himnu jimatkalerni wale pimrine hocha hajeru Hoyakalu kamhalene yohnik-himatkalru, wane htshinro suxo: — Hoyakallahe hi hitshinikletyi ptowruka hitaklu hwiywaka hajeru?

Mateus 12:32

Katuktako hektuwaka htshinanwakatlu Jeji Whene tshinkaluru, wanepnawakatshi ramtakahchinikanuxiko rektunu. Seyni katukta hektutu tshinanwakaxiniplu Hoyakalu Hiwejikaluru walepni hikeklu hohne ramtakahchinikanyehitkona rektunu, hi xawakni hohneko, hi wale hohne hinatshripako.

Mateus 17:26

Waneya Pedro wan-tshin-hihretlu: — Pnu tshijne hichpajikatshine wenutna. Waneya Jesus wla tshinru: — Hiyáhoni wale tshijne hajene hi wenutlu hijhawenuxikolu.

Lucas 16:10

Katukta psotsonuyaka kihle kamrureya, tsrur-tshinan-koxa kihle kamrurru. Hiyrun-koxa katukta hi kihle hislahle psotsonu tshinanu, tsrur-tshinan-koxa waneko pixka rixa.

Lucas 16:4

Hehe, nimata klu nkamhanu, nuchpajinpatka xye kamrurtshi pantshi ninoxyawaka, nyoptohihlenutkoklunupa pimrine yehiya.”

Lucas 16:7

— Waneya pantshi hinotatshri wla tshinru satu deve-tatshritnaka: “Ha pixa, hi psolhe p-deve-ta?” — Waneya wale hihitlu: “Cem chiwatu trigo-ji n-deve-ta.” — Waneya pantshi hinotatshri wan-tshinru: “Wuya, oitenta chiwatupso pyonatanu.”

Lucas 18:6

Tsru Hixikatshriwa Jesus wla tshin-koxa: — Hyijnakotanru klu htshina hetamayxaklerewatatshri mpomunanukotu.

Lucas 20:34

Waneya Jesus hihita: — Jejine, suxone xye tshijne hajene, hhanunrowjetna, hnuruwjetna.

Lucas 20:35

Seyni tujra hohne mnikawnakatupa himukata hwaletatshinepa, hiweklu yoptotatshinepa, hi hnunrowatanu hiyrunu hi hhanuruwatanna.

João 12:36

Katalu hwaka pchinhi halixanru. Katalu hajene hixyawakapa. Jesus xyekaka pirana runkakleta waneya hyatka. Wanna yehi ramhiyatka.

1 Coríntios 3:18

Hike yokwijexinwa. Satkaka jimatkaleru rikahwajinipwa, yine himatkaleya rujhalu mimatkatu rixyawaka yineru himatkaleya halikaka jimatkaler-potu rixyawakapa.

Efésios 5:8

Klu tshinanu hix-koxa mapchahawaka yapjekanata mitshikananu seyni xawakni Hoyakalunerune hixyawaka tshinanu katawaka hyaninixka. Hiyáhoni hiwekanu katawaka hiwejikatshine pixka.

Filipenses 3:19

Nyini hamhikowaka yatshinepa. Royakalutnuna wannako himanna het-sotanuxyawaka. Kapatmenuruko ralixkojetna. Wannani xye tshiji hajeru tsonu hichinikanretatshine.

1 Tessalonicenses 5:5

Seyni hixa Cristo tshinanu nmoletanune ptowrunekhi katawaka yehi hwatshinetkahi hohohne hwatshinetkahi. Hi hoyetshno hwatshinetkahi. Hi mapchahawaka hwatshinetkahi.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.