Lucas 16:31 - Bíblia

³¹ — Seyni Abraão-ni wan-tshinru: “Moisés yonreru hiyrunu pimrine Hoyakalu tokanu hinkakletatshine hma malixkanuklunna, hi koxa ralixanruna yinerni hipnatshri yotunoxiklu.”

Lucas 16:31 ပူးပေါင်းရင်းမြစ်များ

Gênesis 9:27

Hoyakalu tserutkakanru Jafé tshinkaluru tshijne hiyáhoni Sem lona-pjikaka rawjetanu Jafé hiyrunu Canaã htowutanna.

Lucas 16:30

— Seyni phurni hihitlu: “Hike, Nutsrukatni Abraão-ni, seyni satni yinerni hiwejinpatnaka waneya wan-hixatshri hiykoxinipna waneya rehchinikanhetkotanumkana rektunnuyna.”

Lucas 17:1

Waneya Jesus wla tshinna hnurrene: — Hi rumukata himaletkota hitspetkalurukaka hma wiywakanupa. Seyni hektumkalu wale yineru kojwakahchinikanrewatatshri!

João 5:47

Moisés-ni yonreru hmalixkanuklunu hanu hixa halixletokanutanno hita?

Atos 19:8

Waneya mapa ksuru pchinika Paulo jihlokjekanatlu hanjihohnewakapji. Tsru htsernu hchinikanuyma ruhjekakna judeu-ne haté repixna hyoptoxyawakapluna Hoyakalu pohirewaxyawaka pirana hanu rixa hinkakletna Paulo.

Atos 26:28

Waneya Phuru Agripa wan-tshinatkalu Paulo: — Psokakno puykoxyano tshinanu halixatshrino.

Atos 28:23

Waneya Paulo hiyrunu judeu-nerune marca-hohnetlu hapatjeru hkamhiywakapna. Wale hohne rixinixka hix-potuko judeu-ne hapatjeyehitlu Paulo hwiywaka. Psol-hohneruka Paulo hiynumsatna. Hkochtsheklu Moisés yonreru pirana hiyrunu Hoyakalu tokanu hinkakletatshinni tshinre yonatkaluru runkajyawakapna Hoyakalu pohirewaxyawaka pirana. Waneya htowutna Jesus pirana ralixyawakapna.

2 Coríntios 4:3

Klu tshinanu wunkakle pirana, kihle piranalu potuko hiwekkaklewatatshri pirana, himka phujewaka mwakatni, hamhatshine tshinanu tsonu halikaka yohimatatshrini.

2 Coríntios 5:11

Tsru Hixikatshriwa Hoyakalu hamlenu pirana wimata. Hiyáhoni wujhalu walixkajyawakna yine halikakalutu pirana. Hoyakalu himathetwu psol-potuyako. Hiyrun-koxa nkahwaka hix-koxa himathetahchinikanutwu.