Lucas 16:28 - Bíblia

²⁸ Klu tshinanu kamolno cinco jejine. Pitshitanru Lázaro-ni wane hyiywakapa ruykoxyawakapna wanna hma munyawakanupna hewi salewnikowaka.”

Lucas 16:28 ပူးပေါင်းရင်းမြစ်များ

Lucas 16:27

— Waneya phurni wan-tshina: “Wan-rixini Nutsrukatni Abraão-ni, nanjityi Lázaro-ni xako pyokanatanu nurupji nwaka hyiywakapa.

Atos 10:42

Hyokanatwu yin-yehiya wunkaklexyawakaplu, wuphujtaxyawakaplu Jesus-kni, Hoyakalu hitakanru towutatshri rixyawakapa hiwekatshineya, hipnatshineya koxa.

Atos 18:5

Waneya Silas hiyrunu Timóteo tshinkalune Macedônia tshijne ruchpajiniklunutkana, Paulo henejnawa runkajyawakna yine kihler-potuko tokantshi. Wale tsonu hkamrureta. Rekhitna judeu-ne Jesus, Cristo rixyawaka.

Atos 2:40

Waneya Pedro hihle hinkakletna yine. Ruykotna, wane htshinna: — Hiwekkajikolupa hixa xye papko hiwekatshinetka hektutu kamhatshine tskalaya.

Atos 20:21

Nunkakna judeu-nerune judeu mixkane koxa rehchinikanuxyawakapna rektunu tshinanna hiyrunu nunkakna Hoyakalu ruchinikanrexyawakna hiyrunu Jesus Cristo Wutsrukate ralixyawakapna.

Atos 20:23

Seyni koxa nimatahnaputlu, klu tshinanu Hoyakalu Hiwejikaluru hinkakno, pa poktshikaka rawanu kojwawaktshi haté preso hwa hita tshinanu.

Atos 20:24

Seyni hi namotlu niwekle. Hitaho hijhakalurni Hoyakalu kamrure nkamhiywakapa haté nnikaxyawakaplu nkamrure Tsru Hixikatshriwa Jesus henejyano. Xyekni nkamrure, nunkajyawakapna yine kihle piranalu potuko hiwekkaklewatatshri pirana, Hoyakalu hihlenu hixa tshinanu pirana.

Atos 23:11

Waneya wane pnut-yetshno Tsru Hixikatshriwa Hoyakalu hapoka, Paulo-stsi hyopkaka. Wane htshina: — Papohchinikanutanno! Jerusalém hajene yehi punkakletpiranyehixyano hiyáhoni wane potuko pixanutnaka Roma poktshiya.

Atos 26:22

Seyni Hoyakalu hepixatkano hiyáhoni hewi nyopkaka xawakni nunkajyawakapna ptowru yineruka, tsrukakalune yanachalune koxa, netanru pirana psoluka. Seyni Moisés-ni hiyrunu tokantshi hinkakletatshinni tshinyawakna hinatshripa tokanu tsonu ntshina hita:

Atos 28:23

Waneya Paulo hiyrunu judeu-nerune marca-hohnetlu hapatjeru hkamhiywakapna. Wale hohne rixinixka hix-potuko judeu-ne hapatjeyehitlu Paulo hwiywaka. Psol-hohneruka Paulo hiynumsatna. Hkochtsheklu Moisés yonreru pirana hiyrunu Hoyakalu tokanu hinkakletatshinni tshinre yonatkaluru runkajyawakapna Hoyakalu pohirewaxyawaka pirana. Waneya htowutna Jesus pirana ralixyawakapna.

Atos 8:25

Hiyáhoni Pedro, João hali hinkakletatkana yine Hoyakalu pirana hiyrunu rali hiphujtaletatkaluna Jesus kamrure pirana, hsatokluna Jerusalém nwaka waneya pa poktshikaka Samaria tshijne hyapamxyawakna runkaklexyaluna kihle piranalu potuko hiwekkaklewatatshri pirana.

Gálatas 5:3

Hiyrunu wane ntshinatnaka. Katuktako jiprojhakjixnawa rujhalu Moisés yonreru pirana psoluka romkahixyawaka.

Efésios 4:17

Hiyáhoni Wutsrukate Jesus hiwaka tshinanu wane ntshina hiykolethi: Hi malixkane pixka hixa hiwekletanu, klu tshinanu wanna mahijeru hichinikanuwleta.

1 Tessalonicenses 2:11

Hixa himatlu hirtshi hwuheneyma pixka, waneko pixka wixhi hixa ptowrunekhi.

1 Tessalonicenses 4:6

Hiyáhoni jeji suxoyma pirana wkochtshekleru tshinanu, hi xako himtukanru hmoletanru Cristo tshinanu klu pirana tshinanuktako. Klu tshinanu Tsru Hixikatshriwa Hoyakalu hapnokatanna xyekaka kamhatshinepa. Wtshinyawakatkahi mitshi, xawakni wane pnute wixa hiykoletatkahi.