Lucas 16:24 - Bíblia

²⁴ Waneya hsaplewata phurni: “Nutsrukatni Abraão-ni, petwamonutanno! Pyokanatanru Lázaro-ni, himyoji ruhakamtanu waneya runanu ruhakanrutanunno klu tshinanu nsalewna hewi tshitshmeroya!”

Lucas 16:24 ပူးပေါင်းရင်းမြစ်များ

Mateus 25:41

— Waneya wla htshinanunna pa sta sreta hajenepni: — “Hyachatanutka, hapnokatkalunephi! Tshitshmero hikeklu hohne mnikawnakatupa yehi tsru kamtshi hiyrunu htowrene kamtshine tshinanu halpokotkaluru yehi hyanu.

Mateus 3:9

Seyni hi hkahwakanu hixa himukata hihlerexnawa wane htshinamxyawaka: “Abraão-kni wutsrukate”; klu tshinanu nunkakhi Hoyakalu himukata haté xyekaka sotlu kamhalexyalu Abraão klopichane.

Mateus 5:22

Seyni hita wan-tshinhi katukta hahnanutlu himole hike mixkatuko rukolukanuwnanu Hoyakaluya. Hiyrun-koxa katukta heyiklu himole (wla htshininri himole: “Hike mkochpakkatyi”), jemahchinikankakjexikowaka ranikkotka. Hiyrunu katukta wla htshininri: “Mahchinikanutyi” salewaktshi nwaka rumukata yokanatkota.

Lucas 16:30

— Seyni phurni hihitlu: “Hike, Nutsrukatni Abraão-ni, seyni satni yinerni hiwejinpatnaka waneya wan-hixatshri hiykoxinipna waneya rehchinikanhetkotanumkana rektunnuyna.”

Lucas 19:9

Waneya Jesus wla tshinru: — Xawakniko hiweklu jihlokatkalu xyepji. Klu tshinanu Abraão-ni when-koxni wale.

Lucas 3:8

Hekhixinwa hehchinikanutatshinhi hixyawaka kihleru kamhatshinhi hixyawaka. Hi hyinuwaka wla tshinkakletanu hixkakluko: “Hixni Abraão-ni klopichanwu.” Klu tshinanu nunkakhi Hoyakalu himukata hakanhakakletanru Abraão-ni klopichane xyekaka sotluya!

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

João 4:14

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

João 7:37

Tsru niklu hijhakaluru hohne potu nikawninixka Jesus palna waneya tsru tokantshiyma wla htshina: — Yineru hanuruktako honunnahatewatatshri yanwakatanno. Ruranu.

Romanos 4:12

Hiyrun-koxa Abraão rurutna jiprojhakjixikatshinwa seyni hi wale tshinanu tsonni seyni ralixlena tshinanni Abraão hma jiprojhaknuklunuwa pixka.

2 Tessalonicenses 1:8

Runinipa tsru mero potuko rimapokanu rapnokaxyawakapna yinepni, Hoyakalu mimatyehitkane kihle piranalu potuko hiwekkaklewatatshri pirana, Wutsrukate Jesus Cristo pirana majnakowaxikatshinepni.

Tiago 2:13

Klu tshinanu metwamonrene rapnokatkona metwamonutkonepni. Seyni hetwamonrewlu hitukkaklu hapnokatlewlu.

Tiago 3:6

Nrutshi tshitshmero pixkalutni. Psol-tshijneko hektutu tsepotkakatshrini winru. Wimane psojitni winru seyni hpitshotlu wimane psoluka. Ptowru potuko wixjexyawaka, xye tshijne hajeru ratawna. Xye hakpahatshri mero hamhikowak-yehi hichpajikatshrini.

Apocalipse 19:20

Seyni kmatsyiru kachitkatka hiyrunu Hoyakalu tokanu hinkakletatshri minjeni, wale honukla himyekaklewatatshrikaka kmatsyiru hetanu kamhajekanatatshri. Wale kachitkatka kmatsyiruyma. Himyekaklewatatshrikaka hkamhaleru tshinanu hyokwijekanatna yine kmatsyiru himaxikle himwatshine, wanna kmatsyiru yáholu kahwakpiratatshine. Hiyáhoni tshitshmero powha yehi, enxofre katshowuphalu yehi ruknokkatkana nyi hepi, hiwekatshineko.

Apocalipse 20:15

Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.

Apocalipse 22:1

Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.