Lucas 16:2 - Bíblia

² Hiyáhoni htomhalu waneya wla htshinru: “Klunhe xye njempiranyehityi? Puhlepokotanru pantshi pinotjexyawaka pirana. Klu tshinanu hewi hi pumukata hinotlepjitatka.”

Lucas 16:2 ပူးပေါင်းရင်းမြစ်များ

Mateus 12:36

— Seyni wane ntshinhi hixa, hapnokaxikolu hohnepa ptowru yineru htokanu hyanumsachaxinriko hikolukanunhi Hoyakalu yehiya.

Mateus 20:8

— Waneya kayi rixinixka susanateru wan-tshinru kamrurewatatshine hislahatshri: “Ptomhana kamrurewatatshine pwenuxyawakapna hkamrurna wenru. Hapkatatatshine pyinuwaka wenutletanu haté mitshikananu kamrurewatatshine pwenutanu.”

Lucas 12:20

Seyni Tsru Hixikatshriwa Hoyakalu wan-tshinru: “Jipukaleru! Xye yetshno potuko pupnanu. Ha xawakni kathe himutukanru wale ptowruka pimretanru?”

Lucas 12:42

Waneya Jesus wan-tshinru: — Katnihe towrertshi ptowutkolu, kahchinikanuru? Walepkani towrertshi rutakka htowutjerupji rinoxyawakapa hiyrunu pimrine towrertshine reneka niklexyawakapa niklu papkokaka.

Lucas 16:1

Wla koxa htshinatkana rasruklene Jesus: — Rawa satu jeji phuru. Ktowreru pantshi hinotatshri. Xye towrertshi jihyehitkatka, hsalethimatlu rutsrukate hejnunkate.

Lucas 16:3

— Waneya pantshi hinotakanatatshri wan-tshina hitoko hchinikanuya: “Klu nkamhanutka xawakni? Klu tshinanu ntowutjeru yokanatno. Hi kmixkonno njitoxyawaka. Npatewata tiyiro nanjijechaxyawaka.

Romanos 14:12

Waneya waneklupa ptowrunekwu hinkaklexinwa Hoyakalu yehiya.

1 Coríntios 1:11

Cristo tshinanu nmoletanune, nunkakka hixa pirana. Cloé-ne tshinkalune hinkakle tshinanu hix-hima yahotkaka hixkakluko.

1 Coríntios 4:2

Xye pirana hislahatshine rujhaluna Royakalutna halujyawaka kamhatshine potuko rixyawakna.

1 Coríntios 4:5

Hiyáhoni xawakni hike hikolukanuwnanu hma mapokkanuko pchini hipapkolu. Hkahwakanu Wutsrukate Cristo hapojinipa papkopa waneya ptowru pirana potuko rutakyahokanu. Ruphujetanru ptowru pirana yohimatkaluru pirana, ruphujetanru ptowru yineru hichinikanretanru pirana. Waneklu satkaka halixkotko Hoyakalu tshinanu.

2 Coríntios 5:10

Klu tshinanu hixa ptowrunekwu Cristo hoji sreta wuphujewnini. Cristo hijhahchinikanyehitanwu hixa ptowrunekwu. Waneya satkaka yoptotanru hkayleru xye tshiji hajeru mantshi kamrure wenru ho kihlerhe hkamhaleru ho hektutra.

1 Timóteo 4:14

Hi petachatanru pixkontshi penejikolu pixa hwatshri pyoptoleru, hinamtatshri pirana hinkakletatshine punkakletahnaputjene. Xye honra pyoptotatka mitshikananu tsruneya hapatjetatshine kosekatshine himyona rutakhohoxinixkayina.

1 Timóteo 5:24

Satuko yineru hektunu hi pyohimlu, rimapatjetkoklunutka wkatanu hohnekananuko. Seyni satuko hektutu kamhatshri hi pimathetkohapkalu.

1 Pedro 4:10

Ptowru yineru Hoyakalu henekachale yoptotatshritka. Hiyáhoni wale tshinanu hepixkakanu hixa satkakhi henejikolu hyoptotanrutkaymako. Wan-hixjetatka klu tshinanu Hoyakalu henekachale hijhakalur-potuko hislahatshinetkahi.

1 Pedro 4:5

Wanna nanwaka hinkaklexinwa Hoyakalu hepomhinipna, ptowru yineru ho hiwekatshri ho hipnatshri mayxakle halpokohnaputatshri.

Apocalipse 20:12

Waneya hipnatshine neta. Wanna hipnatshine hijhakalune hiyrunu mujhakonpotu Hoyakalu hoji sreta hyopkakna. Waneya yonawahlo stenkaka kopralakka. Satutnaka yonawahlo steno kopralakka, hiwejikaluro steno tshinkaluru. Waneya hipnatshine hikolukkatka hkamhalerna pirana tshinanu, papel-mta hwapiranatatshri yonatkaluru tshinanu.