Lucas 16:17 - Bíblia

¹⁷ — Myapretpotni tenhohne hiyrunu tshiji nikawniywakapa seyni Moisés hiykole pirana yonatkaluru yáholu pa yonhajiji hi nikawnanu.

Lucas 16:17 ပူးပေါင်းရင်းမြစ်များ

Mateus 5:18

Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.

Lucas 21:33

Tenhohne, tshij-koxa nikawnanu seyni ntokanu hikeklu nikawnanu.

Romanos 3:31

Ha xawakni, wuknokachatatjerhe Moisés yonreru walixle tshinanu? Hike, hi psojikna wuknojinri seyni wpoyahokakanru Moisés yonreru.

1 Pedro 1:25

Seyni Tsru Hixikatshriwa Hoyakalu tokanu rawhohnekanatanu.” Xye tokantshi hinkakletkaluru tokanu hix-yehi, kihle piranalu potuko hiwekkaklewatatshri pirana.

2 Pedro 3:10

Klu tshinanu Tsru Hixikatshriwa Cristo hininri hohnepa hapokanu, katshowhuru hapokle pixka rixa hapokletanu. Waneklu papkopa tenhohne herutkotka tsru sejirtshiymapa. Xye hohne hikamrurewleru hiprahkanu tsru hameru tshinanu. Xye tshiji hiyrun-koxa ptowru kamhakaluru, xye tshiji hwatshri, nikawnanu.

Apocalipse 20:11

Waneya netlu satu pohirtshi tuplawakle tsru potuko. Klatlu. Hoyakalu wane tuplatatshri koxa neta. Tshiji hiyrunu tenhohne wale hetanu rasujyatka. Hiyáhoni tshiji hiyrunu malehohnewaka hi rukchijika hanukta hya. Hike hetatnaklu.

Apocalipse 21:1

Waneya netlu tshiji herotu hiyrun-koxa malehohnewaka herotu. Klu tshinanu mitshikawluru malehohnewaka hiyrunu mitshikawluru tshiji nikawnatka. Hiyrun-koxa mar powha hi hwatka.

Apocalipse 21:4

Hiyrun-koxa Hoyakalu cheyiktehatanna ptowruneko. Hikepni hipuktshi, hi wamontshiko, hi tshiyahluko, hi katshinoluko. Wale ptowruka hi hwanu klu tshinanu mitshikawluru hwakanatatshri nikawnanu.”