Lucas 16:16 - Bíblia

¹⁶ — Moisés hiykole pirana yonatkaluru hiyrun-koxa mitshikawlunni Hoyakalu tokanu hinkakletatshinni hinkakle hwatka haté João Batista klu papko. Waneya waneklukananuko, kihle piranalu potuko hiwekkaklewatatshri pirana Hoyakalu pohirewaxyawaka pirana, hinkakletka. Ptowrunek-yine yapretaklu wane hjihlojyawakapna.

Lucas 16:16 ပူးပေါင်းရင်းမြစ်များ

Mateus 10:7

Hyinipa hinkaklewakananumtanu. Wane htshinanu: “Hi howukatkalu tenhohne pohirewaxyawaka.”

Mateus 15:11

Hinama jihlojikatshri hi pitshotlu yineru Hoyakalu hetanuya seyni yineru pitshotjeru halikaka namtshi hichpakhimaxikatshri.

Mateus 21:32

Klu tshinanu João Batista-ni hinyehithi rekhixyawakaplu powraxikowaka pirana seyni hixa hi halixatkalu. Seyni jijhawenruklerune hiyrun-koxa kapoklewaklerone halixatkalu. Waneya yáholu hexinixkalu ralixlena seyni hi hehchinikanutatka halixyawakaplu.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 4:17

Waneya wane pnute Jesus yinuwaka hinkaklewleta, wla htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Marcos 1:14

Waneya hkachitkoklunutka João, Jesus Galileia hya. Runkaklewata kihle piranalu potuko Hoyakalu pohirewaxyawaka pirana.

Marcos 1:45

Seyni jeji hichpakamtatka hyinuwaka kopalpiranretlu hixo pirana potuko. Hiyáhoni wale tshinanu Jesus hi himukata phujewaka tsru poktshikaka jihloklexyawaka seyni kahnete yine mwiywakanu yehi rawjekanatatka Jesus. Wanepnawaka ptowru sretako hichpajikatshine yanwakjekanatlu.

Lucas 10:11

“Haté tshiji pahi xye poktshi hajeru, wijixi hipxakatshri pahi, wcheyitanu hixa hetanu. Seyni hichinikanru xye: Hoyakalu pohirewaxyawaka hapokanwakatamkahi.”

Lucas 10:9

Wane poktshi hwatshine hitskalhakakanu. Waneya wla htshinanna: “Hoyakalu pohirewaxyawaka hapokanwakatatkahi.”

Lucas 16:29

— Seyni Abraão-ni hihitlu: “Pimolene himwalu Moisés tokanu hiyrun-koxa pimrine Hoyakalu tokanu hinkakletatshine hiykoxyawakapna. Hiyáhoni wannako hyijnakotanna.”

Lucas 16:31

— Seyni Abraão-ni wan-tshinru: “Moisés yonreru hiyrunu pimrine Hoyakalu tokanu hinkakletatshine hma malixkanuklunna, hi koxa ralixanruna yinerni hipnatshri yotunoxiklu.”

Lucas 9:2

Jesus yokanatna Hoyakalu pohirewaxyawaka pirana runkaklexyawakapna hiyrun-koxa yeyixatshine rutskalajyawakna.

João 1:45

Filipe hijhatkalu Natanael waneya wla htshinru: — Wukchikatkalu wale yineru Moisés-ni yonyehitanru yonruru piran-yehi hiyrun-koxa Hoyakalu tokanu hinkakletatshine yonyehitanru. Jesus-ni wale, José tshinkaluru whene, Nazaré poktshi hajeru.

João 11:48

Wetachaxinri wan-rixyawaka ptowru yine halixanru. Waneya romano chefe-tene hinanwakatanwu, Hoyakalupji hyotkakanna hiyrunu wtshijne hkonanwuna.

João 12:19

Waneya fariseu-ne wla htshinkakna: — Haha hetanu, hike wkochpaka! Hetpotutanu, ptowrunek-yine homkahitlu.

João 5:4

Pa katkaka hserpika hiwejikaluru Hoyakalu towreru tenhohne hajeru ruyolikkajyawaklu honha. Hiwejikaluru Hoyakalu towreru tenhohne hajeru hiyolikajinru honha, waneyakni mitshikananhapka honha katsretatshri hima kluneruktako hyeyixale rutskalhiya.

Atos 3:18

Seyni Hoyakalu kamhalu wale runkaklewjixanru ptowruneka Hoyakalu tokanu hinkakletatshine namaya, Messias hijhalu hsalewniywaka.