Lucas 15:6 - Bíblia

⁶ haté hipji yehi. Htomhana rimatletanune rimwastsitanune. Waneya wla htshinna: “Himuwatanu hitayma klu tshinanu nopra ovelha hamhakanatatshro nukchikatka.”

Lucas 15:6 ပူးပေါင်းရင်းမြစ်များ

Lucas 1:58

Waneya timwastsirene hiyrun-koxa tomolene jempiranyehitlu Tsru Hixikatshriwa Hoyakalu hepixyawaklo Isabel tshinkaluro pirana. Hiyáhoni rumuwatna wanna ptowruneka walayma.

Lucas 15:10

— Wane ntshinhi halikaka, waneko pixka rixa himuwletna hiwejikalune Hoyakalu towrene tenhohne hajene, rehchinikanuxini satu yineru hektuwaka kamhatshri.

Lucas 15:24

Klu tshinanu xye noturu nupnaholerutka hiwekhonukatnaka, hamhakanatatshri hiphujewnatka.” — Waneya hyinuwaka poyikowletna.

Lucas 15:5

Waneya rukchijiniplo ovelha hamhakanatatshro, hpoyikowpotuta. Rutjitanro

Lucas 15:7

— Hiyáhoni wane ntshinhi tenhohney-koxa rawanu tsru poyikowlu potuko satupka hektuwaka kamhatshri hehchinikanuxiklu tshinanupa noventa e nove-pna yine potuka hchinikanurune, hehchinikanru mujhakanetka.

João 15:14

Nimatletanunephi, ptowru tokantshi ntowuxyahi homkahixini.

João 3:29

Yapkaklupa. Hnunrowatatshri yehi, waleni khanunrolu. Seyni hnunrowatatshri himatletjeru repixlu rimotsatlu hnunrowatatshri hiyrunu hyijnakotlu. Hiyrun-koxa hnunrowatatshri tokanu hjemini rumuwata. Hnunrowatatshri hepixatshri pixka nix-hita hiyáhoni numuwpotuthonuka hnunrowatatshri tshinanu.

Atos 11:23

Waneya rapojinixka Barnabé retlu Hoyakalu ramoxyawakna hiyáhoni rumuwata. Waneya Barnabé mixkotahchinikanutna psoluka rajiyna Tsru Hixikatshriwa Hoyakalu romkahixyawakna hiyrunu hi ruchotanruna Tsru Hixikatshriwa Hoyakalu.

Atos 15:3

Cristo halixatshine hapatjetatshine Antioquia hwatshine hepixa yokanrexyawakna waneya Fenícia tshijne Samaria tshijne koxa hyapamxiniklunna wane hajene runkakna judeu mixkane halixyawaka pirana. Hiyáhoni Cristo halixatshine ptowruneka poyikowamta.

Filipenses 1:4

Hiyrun-koxa ptowru katako nanjihohneyehixinhi numuwa hanjihohnerejeta,

Filipenses 2:17

Pa katako nuylatko nohraha hiyokanu henekachalu pixkalutupni, hixa halixle tshinan-koxa Hoyakalu renekachatko. Waneya wan-rixinipa numuwatanu hiyrun-koxa numumuwatanhi.

Filipenses 4:1

Hiyáhoni nmoletanune Cristo tshinanu, nuchinikanune, namotpotuthi. Hixa poyikowkakjetno. Nalixkowata hixa tshinanu. Hiyáhoni xawakni poyehi yopkaklephi halixlu Tsru Hixikatshriwa Cristo-ya.

1 Tessalonicenses 2:19

Klu tshinanu klunerni wkahwakleru ho wumuwlepa ho wumlujikolu poyikowkaklewatatshri? Hi he hixpakni, Wutsrukate Jesus hetanuya runinpatka?

1 Pedro 2:10

Mitshikananu hi Hoyakalu hayinetenhi seyni xawakni Hoyakalunerunetkahi. Mitshikananu hixa hi himathetatkalu Hoyakalu hetwamonre hanu rixa seyni xawakni Hoyakalu hetwamonre yoptotatshinhi.

1 Pedro 2:25

Klu tshinanu carneiro-ne pupjetatshine pixka wixakanata. Seyni xawakni carneiro hislahatshri pixkalutu, yineru hiwejinri towutatshriko nwaka wsatkakkatka.