Lucas 15:5 - Bíblia

⁵ Waneya rukchijiniplo ovelha hamhakanatatshro, hpoyikowpotuta. Rutjitanro

Lucas 15:5 ပူးပေါင်းရင်းမြစ်များ

Lucas 15:32

Seyni wujhatkalu xye poyikowlu wkamhiywaka, wpoyikowaxyawaka. Klu tshinanu xye pepuru hipnatshrikananni hiwekatka. Hamhakanatatshrini seyni hikchikalurutkani.”

Lucas 15:4

— Hanurutkanhe jeji cem ovelha rimwini seyni sato ramtajini, hi he pimri hiprane noventa e nove, ruknokamtanu kahnete poktshi rujhapyawakaplo pupjetatshro haté rukchijini potuklo?

Lucas 15:6

haté hipji yehi. Htomhana rimatletanune rimwastsitanune. Waneya wla htshinna: “Himuwatanu hitayma klu tshinanu nopra ovelha hamhakanatatshro nukchikatka.”

Lucas 19:9

Waneya Jesus wla tshinru: — Xawakniko hiweklu jihlokatkalu xyepji. Klu tshinanu Abraão-ni when-koxni wale.

Lucas 23:43

Waneya Jesus wan-tshinru: — Halikakni wane ntshinyi. Xye hohneko hitaymapyi kihlewak-potuko, tenhohne wyanu.

João 15:11

— Xye pirana nunkakhi, numuwle himwatshine himukatatshinephi, hiyrun-koxa hpoyikowaxyawaka hike mahatatka.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Efésios 3:7

Hoyakalu, hixa ruchinijyawaka tshinanu, rutakno Cristo pirana, hiwekkaklewatatshri pirana, jinkakletakleru nixyawaka, Hoyakalu tsru pixkonu rixle tshinanu.

1 Tessalonicenses 1:5

Kihle piranalu potuko hiwekkaklewatatshri pirana wunkakletanru pirana, hi tokantshichani seyni tsru pixkontshiyma, Hoyakalu Hiwejikaluruyma hix-yehi rapokpiranatatka. Wekhithi wunkakle halikak-potuko pirana rixyawaka. Hixa himatlu hanu wixa hiwekletatka hix-yehiya, hixa hepixikolu tshinanupa.

2 Timóteo 2:26

Hiyahokni tsru kamtshi hitsekletpo pixkalutu ruchpajinna raluka kachretanune pejnu.

Hebreus 12:2

Jesus yehi potuko yihatatshinepwu klu tshinanu Jesus walixle yinuwakatshrini hiyrunu walixle poyahokakatshrini. Poyikpotuklu Jesus hinamtatshripa tshinanu. Cruz rupniywakapa rakotachata. Hektuwaka htshinanwakaxikolu reyikachata. Xawakni htuplatatka. Hoyakalu hetamayxaklerewatatshri tuplaxyawaka potukle sreta htuplatatka.

1 Pedro 1:5

Hislahkalunhi Hoyakalu himukatleyma halixlu tshinanu, hiweklu hkayaxyawaka. Rekhipotuxikolupa hiweklu, hnikawnahohnexinpatka h-marca-xikolu.