Lucas 15:32 - Bíblia

³² Seyni wujhatkalu xye poyikowlu wkamhiywaka, wpoyikowaxyawaka. Klu tshinanu xye pepuru hipnatshrikananni hiwekatka. Hamhakanatatshrini seyni hikchikalurutkani.”

Lucas 15:32 ပူးပေါင်းရင်းမြစ်များ

Mateus 18:11

[Klu tshinanu Jeji Whene xye tshijne hinatka riwekkajyawakaplu pupjetatshri.]

Lucas 15:24

Klu tshinanu xye noturu nupnaholerutka hiwekhonukatnaka, hamhakanatatshri hiphujewnatka.” — Waneya hyinuwaka poyikowletna.

Lucas 15:31

— Waneya tsru wan-tshinru whentshi tsrujru: “Noturu, pixa ptowru hohneka himwanno. Ptowru potuko nimwaleru pixanni.

Lucas 7:34

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa majnakowatatshine rimatleta.”

Romanos 11:15

Klu tshinanu Hoyakalu hiknokanutkana judeu-nerune, rimatletatkana psol-tshijne hajeneko. Ha xawakni, hanu rixkonna judeu-nerunepni rimatlexikowakpatnaka Hoyakaluya? Wla rixkona, hipnatshinetka hiwekkakko.

Romanos 3:19

Seyni wimata Moisés yonreru tshinyawaka wan-tshinanwakatna Moisés yonreru pirana homkahitatshine. Wan-rixa klu tshinanu hike yineru himukata powratlexinwa seyni ptowru tshijne hajeneko hikolukanuwnatka Hoyakalu hetanuya.

Romanos 3:4

Hike, hi psojikna. Hoyakalu hikeklu hweyawata yáholu yine ptowruneko kayloklerunemkani seyni Hoyakalu hike. Hiyáhoni Hoyakalu tokanu yonatkaluru wan-tshina: “Pimathexikowakapni pixa Hoyakalu potukalyi kluneruktako ptshina hiyrun-koxa pimalwutko yahmaklu pweyawyehitko.”