Lucas 15:28 - Bíblia

²⁸ — Seyni whentshi tsrujru jihekanuwata. Hi hjihlokpirata. Hiyáhoni ruru hichpakanwakatlu. Hjihlokjixlu.

Lucas 15:28 ပူးပေါင်းရင်းမြစ်များ

Mateus 20:11

Hiyáhoni hyoptoxinixkalu hkamrurna wenru, reyikatkaluna susanateru.

Marcos 1:40

Waneya satu jeji hijirohitutatshri yanwakatlu Jesus. Hyoptsojityehitlu waneya ranjipotutlu wla htshinru: — Palujiniplu pumukata hitskalakletno.

Lucas 13:34

— Jerusalém, ha Jerusalém! Puylajetna Hoyakalu tokanu hinkakletatshine hiyrunu pimrinni pixa nwaka hyokanatanunni Hoyakalu psotlujeta! Hixo katmaka naluka kapolethi ho sapriklethi patlapa tapatjewhenexini pixka! Tomeji hpuko tutajinna pixka. Seyni pixa hi hitshitno.

Lucas 15:2

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.

Lucas 15:27

— Waneya wale wla tshinru: “Pepuru hapokatka. Pantshitkalu kihle hapokle rixa. Hiyáhoni puru boi whenni hixownakakaluru ruylakjixa.”

Lucas 15:29

Seyni whentshi tsrujru wla tshinru tsru: “Ha, hi pejnu mhalekananu nepixyi, towutachatkaluru pixka. Hikeklu ptokanu nmajnakowaxya. Wanepnawaka hikeklu penekno carneiro whene nimatletanuneyma npoyikowaxyawakapa.

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

Lucas 5:30

Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 7:39

Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Atos 13:45

Seyni retkoklunutkana judeu-ne hixolune yine hapatjetatka wanna hahxapotutna Paulo-ne. Waneya judeu-ne heyiklu Paulo-ne raluk-hiknokletluna Paulo hinkakle.

Atos 13:50

Seyni judeu-ne yokchatna suxone tsrokakalone Hoyakalu himalwutatshrone hiyrun-koxa tsru hitakkalune tsru poktshi hajene. Hiyáhoni wanna yinuwaklu salewaktshi Paulo, Barnabé tshinanu haté hkochpakna wale tshijneya.

Atos 14:19

Seyni satkaka judeu Antioquia, Icônio poktshikaka hichpajikatshine yokchatna hixolune yine hiyáhoni hsotlujetluna Paulo waneya hipnatshri hkahwakluna hkosemtluna tsru poktshi maleka.

Atos 14:2

Seyni judeu-nerune malixkanetka komyekahchinikanutna judeu mixkane hyokchatna Paulo, Barnabé hma malixyawakanupna.

Romanos 10:19

Seyni wane ntshinatnaka: Ha israel-nerune, hi he xawaka rimatjematkaluna? Mitshikananhapka Moisés wan-tshina: “Hita het-sotankakanhi yine hike mkahwakpiratkane hetanuya. Pahnanutkolunephi pa nerune mchinikanune tshinanu.”

2 Coríntios 5:20

Hiyáhoni xawakni Cristo hitshre tshinanu wunkaklewjeta, hatatjewa Hoyakalu tshanixhi hixa wunkakle tokanuya. Cristo hitshre tshinanu nanjithi hixa Hoyakalu kamnikanatatshinhi himatletkotka Hoyakaluya.

1 Tessalonicenses 2:16

Rimaletwuna wunkajyawakna judeu mixkane, hiwekkaklewatatshri pirana hma miwekkajikowakanupna. Wan-rixa poyahokaklehohnekanatluna rektunna. Seyni xawakni rapnokatkona psoluka Hoyakaluya.