Lucas 15:2 - Bíblia

² Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.

Lucas 15:2 ပူးပေါင်းရင်းမြစ်များ

Mateus 11:19

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa hektune rimatleta.” Hiyáhoni yine hetanru Hoyakalu himatkalewle potukalu rixyawaka, Hoyakalu himatkalewle himwatshri kamrure tshinanu.

Mateus 9:11

Waneya fariseu-ne hetlu waneya repomhatkana rasruklene wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 15:3

Hiyáhoni Jesus yapkaklu pirana runkakna. Wla htshinna:

Lucas 19:7

Seyni pimrine hetakanatatshine kahemha. Wla htshinna: — Hektutu kamhatshripji rawanu.

Lucas 5:30

Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 7:34

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa majnakowatatshine rimatleta.”

Lucas 7:39

Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Atos 11:3

Wane htshinna: — Pixakni jihlokyehitna mjiprojhaptojimtatkane neru yehi. Wannayma pnika.

Gálatas 2:12

Klu tshinanu Tiago yokanrene jejine mapokkanuklunuwa, Pedro judeu mixkaneyma nikjeta. Seyni rapojinixkana jejine Pedro kotspalaxnawa judeu mixkane yehiya klu tshinanu jiprojhikatshinwani wanna hiyáhoni hpikna.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.