Lucas 15:10 - Bíblia

¹⁰ — Wane ntshinhi halikaka, waneko pixka rixa himuwletna hiwejikalune Hoyakalu towrene tenhohne hajene, rehchinikanuxini satu yineru hektuwaka kamhatshri.

Lucas 15:10 ပူးပေါင်းရင်းမြစ်များ

Mateus 10:32

— Katukta hiphujtatno yine jemanu, hit-koxa hiphujtatanru Nuru tenhohne hajeru hetanu.

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 18:14

Waneko pixka rix-koxa Hirtshi tenhohne hajeru, hi raluklu satu mturu hamhiywaka.

Lucas 12:8

Jesus wan-tshina: — Wane ntshinhi, katukta hiphujtatno hita yine jemanu, Jeji Whene tshinkalur-koxa hiphujtatanru wale hiwejikalune Hoyakalu towrene tenhohne hajene hetanu.

Lucas 12:9

Seyni katukta yine jemanu malukkotu htshinanwakaxinipno waneya Jeji Whene tshinkaluru koxa waneko pixka htshinanwakatanunru hiwejikalune Hoyakalu towrene tenhohne hajene jemanuya malukkotni wale htshinanunna.

Lucas 13:5

Seyni wane ntshinhi, hike. Hma mehchinikanutkanuklunu hixa, ptowrunekhi waneko pixka hixa hiylatkotanu.

Lucas 15:11

Jesus wla tshinatnaka: — Hepi whenru satu jeji.

Lucas 15:7

— Hiyáhoni wane ntshinhi tenhohney-koxa rawanu tsru poyikowlu potuko satupka hektuwaka kamhatshri hehchinikanuxiklu tshinanupa noventa e nove-pna yine potuka hchinikanurune, hehchinikanru mujhakanetka.

Lucas 15:9

Waneya tukchijiniklunuplo ttshanixanna timatletanune, timwastsitanune wla ttshinna: “Himuwatanu hitayma klu tshinanu nukchiklo ntiyirote proji hamhakanatatshro.”

Lucas 7:47

Hiyáhoni wane ntshinyi, hixo tektunu tuknojikatka. Hiyáhoni tamotpotutno. Klu tshinanu wla rixa, psotsonu hiknojikaluru psotsonu ramotlewaxya.

Atos 11:18

Waneya xyekaka tokantshi hyijnakoxinixkana nuretkalune rutshrokna. Ranjitluna Hoyakalu wane htshinruna: — Hiyáhoni Hoyakalu henekkoxna judeu mixkane riwejyawakna rehchinikanre tshinanna.

Atos 5:19

Seyni wale yetshno potuko satu hiwejikaluru Hoyakalu towreru tenhohne hajeru kotpukatkalu preso hiphaptotkaka waneya ranikna nuretkalune maleka waneya wane htshina:

2 Coríntios 7:10

Klu tshinanu wamonuwnalu Hoyakalu henejyahi hehchinikankaklewata riwekkakko pupjekanatatshri. Wale tshinanu hi wwamonuwnanu hixa. Seyni wamonuwnalu xye tshijne heneklewle hipuktshi reneklewata.

Filemom 1:15

Onésimo hetko wane ruchpajyatka pchinhohnejiji tshinanu tsonu xawakni klanu hyamtanutka pimwahohnekanaxyawakaplu.

Hebreus 1:14

Hi he wanna ptowruneka hiwejikalunetkani, Hoyakalu towrenni, hyokananrenni repixyawakapna hiweklu heneklewatatshri pirana halixatshinepa? Hehe.