Lucas 14:26 - Bíblia

²⁶ — Katukta haluka nasrukleru hixletanu seyni ruru ho runro ho hhanunro ho hiwhenene ho himolene jejine ho himolene suxone ho haté waleko riwekle hmahnanutkanuklunu, hi rumukata nasrukleru hixleta.

Lucas 14:26 ပူးပေါင်းရင်းမြစ်များ

Mateus 10:37

— Katukta hi ramotno hita ruru ho runro pnute, hi rumukata nasrukleru hixleta. Katukta hi hamotno hita hituru ho richitsho pnute hi rumukata nasrukleru hixleta.

Lucas 14:20

— Waneya satutnaka wan-tshin-koxa: “Nhanunrowatatka hiyáhoni hi numukata wane yaleta.”

Lucas 14:25

Hixolune yine himotsakanatlu Jesus. Jesus hiprotakatka waneya wane htshinna:

João 12:25

Yineru hamota hiwekletatshri, riwejinri ramtakanu. Seyni hiweklu xye tshijne hajeru mamotkatu, riwejinri rihnanutanu hike rixiniko mnikawnakatupa.

Atos 20:24

Seyni hi namotlu niwekle. Hitaho hijhakalurni Hoyakalu kamrure nkamhiywakapa haté nnikaxyawakaplu nkamrure Tsru Hixikatshriwa Jesus henejyano. Xyekni nkamrure, nunkajyawakapna yine kihle piranalu potuko hiwekkaklewatatshri pirana, Hoyakalu hihlenu hixa tshinanu pirana.

Romanos 9:13

Wane htshinyawaka yonatkaluru: “Jacó namota seyni Esaú nahnanuta.”

Filipenses 3:8

Seyni halikak-potu Cristo nkayaxyawakapa tshinanu ptowru potuko hiknokachatkaluru nikahwakatka wale kachrijrutkani kihler-potuko Nutsrukate Cristo Jesus himatyehixikolu. Wale tshinanu namtaklu ptowruka hektutu, malukkotu nikahwaklu Cristo numukata yoptolexyawakapa.

Apocalipse 12:11

Wmoletanune Cristo tshinanu hallitlu Tsru Kamtshi Carneiro Whene tshinkaluru hraha himukatle tshinanu hiyrun-koxa halikakalutu tokantshi runkakletjetanruna tshinanu. Hiyrun-koxa ralpokoxinwana rupniywakapna. Riweklena hi ramotpotutna.