Lucas 14:21 - Bíblia

²¹ — Waneya towrertshi satokatka. Hyokanatjeru runkakatka htshintokanuxyawakna htshanixlenemka. Waneya kapjiru jihekanuwata. Wla htshinru htowreru: “Hajewa pchiretanu. Tsru poktshi nwaka pyanu. Ptowru pantshi hapkaka tsru hapolu, mtser-hapot-koxa pyanu. Pwapanna hike mwikane, myapene, mayhalene, myankane.”

Lucas 14:21 ပူးပေါင်းရင်းမြစ်များ

Mateus 11:28

— Runanwakatanno ptowru hamanu kamrurewletatshri tsru wunru hitjitatshri waneya hita hapnanukakanhi.

Mateus 11:5

Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

Mateus 15:12

Waneya rasruklene Jesus yehistsi hyana wla htshinruna: — Pimathe fariseu-ne hima rumtuwnahchinikanutna ptshinyawaka tshinanu?

Mateus 18:31

Seyni pimrine towretshine hexiniklunru, rimyekahchinikanutna. Waneya phuru nwaka hyatkana psoluka runkaklexyawakapna.

Mateus 20:7

— Waneya ruhitluna, wla htshinruna: “Klu tshinanu hike kamrurewjixwu.” Waneya wla htshinna: “Hajewa hix-koxa kamrurewatanutka nusanateya.”

Lucas 14:13

Seyni tsru niklu pkamhinipa, hike mwikane, myapene, myankane hiyrun-koxa mayhalene ptshanixanu.

Lucas 14:20

— Waneya satutnaka wan-tshin-koxa: “Nhanunrowatatka hiyáhoni hi numukata wane yaleta.”

Lucas 14:22

— Waneya xekoyaka towrertshi wan-tshinru htowutjeru: “Nutsrukate, ptshinyawaka nixatka seyni rixetawa hwikowaka.”

Lucas 14:24

Klu tshinanu wane ntshinyi halikaka. Hi satukna wanna jejine mitshikananu ntshanixlenemka hetumhanru nnijitu!”

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

Lucas 9:10

Waneya hsatojinixkana Jesus nurrene, runkakluna Jesus ptowruko hkamhapanruna. Hiyáhoni ranikna wannapka kahnete poktshiriya Betsaida poktshistsi hajeru nwaka.

João 9:39

Waneya Jesus wla tshina: — Nuna xye tshiji, yine hektunu nuphujexyawaka. Yine metkane netkajyawakapa. Hetaphutatatshine hma mexyawakanupna.

Hebreus 13:17

Hyijnakotanna hkosekjene. Halixanna. Klu tshinanu wanna hixa hiwekle hislahjetatshinni. Hinoxikolu pirana hepomhakalunpakni wanna. Wan-rixinipa rumuwatanna. Hi hotshhitatshinepni klu tshinanu hixa tshinanu hwamonuwaxinipna, wale hi hepixanhi.

Hebreus 2:3

Hiyáhoni, ha hixamka, hanhe wixa hasuklexinri wapnokaxikolu, wmajnakowyehixiniplu xye hiweklu heneklewatatshri pirana kihler-potuko? Mitshikananhapka Tsru Hixikatshriwa Jesus potuko hinkakletlu xye hiweklu heneklewatatshri pirana. Waneya wane wkatanu wale pirana jematshine hekhitwu halikaka pirana rixyawakatka.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

Apocalipse 19:15

Wale nama yohlolewapi hakotatshri potuko honoxya. Yohlolewapiyma ruylakna yine, ptowru tshijne hajeneka. Htowutanna hipokananu, yomuwaje pa chikonurutu pixkalutuyma htowutna. Hkatsretanunna yinepni, uva katsrekjexikowaka-paji hwatshine pixka rixanna yinepni rimathexyawakapluna yine Hoyakalu ptowru potuko himukatatshri, hahnanuwle.

Apocalipse 22:17

Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.