Lucas 14:18 - Bíblia

¹⁸ — Seyni satkaka pnu pejnu hixahchinikanuta. Hyinuwaka hallikakletna. Tshanixkalurutka mitshi wla tshina: “Tshiji nanjita. Nujhalu wane nyiywakapa, netapyawakaplu. Hiyáhoni nanjityi pma mukolujyawakanupno.”

Lucas 14:18 ပူးပေါင်းရင်းမြစ်များ

Lucas 14:17

Rapokpapkoluxinixka hyokanatlu htowreru wla htshinyawakapna tshanixkalunetka mitshi: “Hinanu, ralixatka.”

Lucas 14:19

— Waneya satuko wan-tshinatnaka: “Dez boi-ne nanjita carro himat-kosetatshine. Wanna nwakakni nyamtatka netapyawakapna. Nanjityi pma mukolujyawakanupno.”

Lucas 18:24

Waneya rexinixkalu Jesus hwamonuwnapotuxyawaka phuru, wla htshinru Jesus: — Hi pa yaprenukananru phurune Hoyakalu pohirewaxyawaka hjihlojyawakapna!

Lucas 8:14

Kona yehi hapoktatajitatshine, wanna Hoyakalu tokanu jematshine pixkalune. Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

João 1:11

Runatka waleko rayinetene yehimka seyni rayinetene hi ralukanatkaluna.

João 5:40

Hix-yinhi hi haluk-homkahretno, hiwekkajikolupa.

Filipenses 3:4

Seynimka hit-koxa himukata munanhaletlu nomane tsonu. Pimrinemka kahwajinwa rimwiywakluna satu pa hixanu hmunanhamanexnawakwa ha hitamka wane yohnik-hixa munanhalmanexinwa.

2 Timóteo 4:10

Klu tshinanu Demas tshinkaluru hiknokamtatkano. Xye tshijne hajeru tsonu hichinikanretatshrini wale. Tessalônica poktshi nwaka Dalmácia tshijne hyatka. Crescente tshinkaluru Galácia tshijne nwaka hyatka. Tito tshinkaluru Dalmácia tshijne nwaka hyatka.

2 Timóteo 4:4

Hiyáhoni ruchyajnakotna halikakalutu pirana hma jemyawakanupna. Seyni hinkaklucha tsonu rujhanna.

Hebreus 12:16

Hi rawanu kapoklewakleru. Hix-yehi hi rawanu Esaú pixkalutu, Hoyakalu hikchikhihlenreru pirana heyikatshri. Esaú honukla pa niklupka ripekotlu mitshikananu matutatshri rixle pirana.