Lucas 14:13 - Bíblia

¹³ Seyni tsru niklu pkamhinipa, hike mwikane, myapene, myankane hiyrun-koxa mayhalene ptshanixanu.

Lucas 14:13 ပူးပေါင်းရင်းမြစ်များ

Mateus 15:30

Hixolune yine hanikanwakatlu satkaka myape, satkaka mayhaletu, satkaka myanumatkatu, satkaka myankatu hiyrunu hixo pimrinkaka yeyixatshine ranikna waneya Jesus jixi yehistsi rutakna. Waneya Jesus ptowruneka hitskalakatka.

Mateus 22:10

— Hiyáhoni towrertshine poktshi hapo yoptowakkak-yehi hyatkana, rawapyawakapna rumukata hikchikletanune, kihlerune hiyrunu hektune koxa. Waneya tshanixkalune tsepotlu phurupji tsru nikawaka.

Lucas 11:41

Hiyáhoni xawakni psoji himwaleru xako henekanna hike mwikane. Waneyakni wan-hixinipa ptowruko powrapatka hixa tshinanu.

Lucas 14:12

Waneya Jesus wla tshinru htshanixjeru: — Niklu pkamhini, hanikaj-hohne ho kayi koxa, hi ptshanixanna pimatletlene, ho pimolene, ho petjejrene phurune, ho pimwastsitanune tsonu. Klu tshinanu wane pixini pa katako wanna koxa hapnutanyi pixa. Waneya kihleru pkamhaleru tshinanu rapnutankoxyina pixa.

Lucas 14:14

Waneya hihlewahchinikanyehitkalurupyi wanna pma poyaho hapnuretjene tshinanu. Seyni halikaka Hoyakalu hapnutanyi kihleru kkamhaklerune hiwekkajikolu hohnepa.

Lucas 14:21

— Waneya towrertshi satokatka. Hyokanatjeru runkakatka htshintokanuxyawakna htshanixlenemka. Waneya kapjiru jihekanuwata. Wla htshinru htowreru: “Hajewa pchiretanu. Tsru poktshi nwaka pyanu. Ptowru pantshi hapkaka tsru hapolu, mtser-hapot-koxa pyanu. Pwapanna hike mwikane, myapene, mayhalene, myankane.”

Atos 9:39

Hiyáhoni Pedro palnatka wannayma hyatka. Rapojinixka Pedro wanna hanikatkalu teno hruko. Walestsi hyopkakakanatna hixo hipnahnurutatshrone. Wanna tshiyahata. Wanna hekhitlu Pedro mkatshri kihleru hiyrunu histonokaka Dorcas-ni kamhaleru wanna yehi twakanaxinni.

1 Timóteo 3:2

Hiyáhoni Cristo halixatshine hapatjetatshine kosekatshri haluklu hike mixkatu rixyawaka, pa hnunropkaplu, kihler-potuko himat-nuretatshripni, kchinikanurupni, mchiretanutupni, yanamtatshine hapojini kihle yoptole rixanna, himat-hasruklewatatshripni.

1 Timóteo 5:10

Hiyrun-koxa kihle piranyehiropni. Mturune ttseruwaka tuykohihlenutna hiyrunu kyoptohihlenrewakleropni ho Cristo halixatshine Hoyakalu homkahitatshine jixi terokajexini ho salewnatshine tepixini ho ptowru kamrurtshi kihleru hepixlewatatshri tomkahpotuxini, tuslahko Cristo halixatshine hapatjetatshineya.

Tito 1:8

Yanamtatshine hapojini kihle yoptole rixanna, jejine kchinikanurune hamotatshripni, kchinikanurupni, kihler-potuko himat-nuretatshripni, potuka hchinikanurupni, waleko himane himat-towutatshripni.

Filemom 1:7

Klu tshinanu wumuwpotuta hiyrunu wapnanuhchinikanuta pimrine puchinikanrexyawaka tshinanu. Klu tshinanu Jesus halixatshine potukalune, repixahchinikanutkana, pepixle tshinanna, pixa Cristo tshinanu nmoletanru.

Hebreus 13:2

Hi hichochatanunna hma metjejetanunni yanachalune, hipji hitakanunna. Klu tshinanu haté satkaka hiwejikalune Hoyakalu towrene tenhohne hajene hipji hitukkakatka hma metjejetanunekmaka.