Lucas 14:1 - Bíblia

¹ Waneya satu hapnanuxikalur-hohnetnaka Jesus jihloklu fariseu-ne-pji fariseu-ne kosekatshripji wane hnijyawakapa. Ruslahluna Jesus klu hkamhanu.

Lucas 14:1 ပူးပေါင်းရင်းမြစ်များ

Mateus 12:12

Seyni yineru carneiro yohnik-hijhakalurni! Hiyáhoni Moisés yonreru hitshitlu wepixkajyawaka hapnanuxikalur-hohne.

Marcos 3:2

Ruslahpotukanatluna Jesus ho hapnanuxikalur-hohnerhe rutskalaklewatanu ho hike hjihyehixyamkapluna.

Lucas 11:37

Waneya rali yanumlexinixka Jesus, satu fariseu-ne tshanixlu Jesus hipji hnikapyawakapa. Waneya Jesus wan-ya. Mesa htuplata.

Lucas 14:2

Satu jeji hanokatshri walestsi hwakanata.

Lucas 17:20

Waneya satkaka fariseu-ne hepomhalu Jesus hikluplu Hoyakalu pohirewaxyawaka. Waneya Jesus hihitna, wla htshinna: — Hoyakalu pohirewaxyawaka hapojiklu hi phujetkalurupa yine yhaleya.

Lucas 20:20

Hiyáhoni hyinuwaka hislahletluna. Hwenutluna satkaka yineru waneya hyokanatluna rumlukanta hepomhalexyawakapluna Jesus. Kihle hchinikanune rixahoxnawana Jesus rumlukanuxyawakna. Wan-hixatshri hkachitko wale tshijne tsrukakalutene renekko.

Lucas 6:7

Waneya satkaka wane hwakanatatshine koxa fariseu-ne hiyrun-koxa pimrine kasruklewaklerune hinanchitkaluru pirana hasruklewatatshine ruslahpotukanatluna Jesus ho hapnanuxikalur-hohnerhe rutskalaklewatanu ho hike.

João 3:1

Waneru satu yineru Nicodemos tshinkaluru, judeu chefe-te, fariseu-ne-kni wale.

Atos 5:34

Seyni satu fariseu-ne, Gamaliel hiwakatletatshri, yopkaka wanna hanikajite. Wale, hinanchitkaluru pirana hasruklewatatshrini, ptowru yineru kahwakpirpotutlu. Wale maleka hkochpakjixna nuretkalune pchini tsonu.