Lucas 13:35 - Bíblia

³⁵ Himatanru xye. Xawakni hipji hichotkalurutka. Halikaka ntshinyi. Hi hiyrunu petanutkano haté wla ptshininipa: “Hoyakalu hihlehchinikanutlu Tsru Hixikatshriwa Hoyakalu hiwaka hinikatshri.”

Lucas 13:35 ပူးပေါင်းရင်းမြစ်များ

Mateus 21:9

Waneya kosekamtatshine hiyrunu hapkatamtatshine saplewamta: — Himalwutkalurni Phuru Davi-ni whene! Kihlehchinikanuru hinatshri Tsru Hixikatshriwa pixkonuyma. Himalwutkalurni Hoyakalu tenhohne pnut-tennu hajeru.

Mateus 23:37

— Jerusalém, ha Jerusalém! Puylajetna Hoyakalu tokanu hinkakletatshine hiyrunu pimrinni pixa nwaka hyokanatanunni Hoyakalu psotlujeta! Hixo katmaka naluka sapriklethi ho kapolethi patlapa tapatjewhenexini pixka! Tomeji hpuko tutajinna pixka. Seyni pixa hi hitshitno.

Lucas 19:41

Waneya Jerusalém poktshistsi rapojinixka Jesus, rexinixkalu htshiyahata wale poktshi tshinanu.

Lucas 21:24

Hixolunepni hiylatkona yohlolewapiya, pimrinepni hanikkona ptowru tshijne ranikkona preso rutakkona. Hiyrun-koxa judeu mixkane Jerusalém poktshi hkapnikapahitanna haté rapokpapkoluxinpatka ruchoxikolna papko.

João 12:13

Kyawe sure ranikamtna waneya hyatkana Jesus hyoptoxyawakapna. Hsaplew-himalwuretluna, wla htshin-sapletna: — Hamotkaluru Hoyakalu! Himalwutkalurni israel-neru Pohire, Tsru Hixikatshriwa Hoyakalu hiwaka hinikatshri!