Lucas 13:33 - Bíblia

³³ Klu tshinanu nujhalu natnu hapote nomkahixyawaka xawakni, yetshikawa wale pnut-hohne. Klu tshinanu halikakni Hoyakalu tokanu hinkakletatshri hi rumukata hipnaleta Jerusalém poktshi minjeya.

Lucas 13:33 ပူးပေါင်းရင်းမြစ်များ

Mateus 20:18

— Jerusalém poktshi nwaka wyamtanu. Waneya Jeji Whene tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine renekko, waneya rukolukanuwnakakanruna ruylajixanruna,

Mateus 21:11

Waneya hixolune rimotsane wla tshina: — Xyekni Jesus, Hoyakalu tokanu hinkakletatshrini Nazaré poktshi Galileia tshijne hajeru.

Lucas 9:53

Seyni wane hajene hi haluka yoptoletlu Jesus klu tshinanu rimathetluna Jerusalém poktshi nwak-potu hyanu.

João 11:54

Hiyáhoni Jesus hi phujewaka judeu-ne yehi hyanya. Seyni hyatka pa tshijne nwaka, kahnete poktshiri yine mwiywakanustsi hajeru nwaka hya. Satu poktshi, wale tshijne hajeru Efraim tshinikowaka, rutukatka Jesus rasrukleneyma.

João 11:9

Waneya Jesus hihita: — Hi he satu hohne tshinanu waneru doze horas katawaka? Hiyáhoni hohohne hyanini yineru hi rutspetanu klu tshinanu katyéhiru.

João 12:35

Waneya Jesus wla tshinna: — Pchinhohnejiji rawanu katalu hix-yehi hwatshri. Hiyáhoni katawaka hwaka pchinika hyananu, hma kayixyawakanupa. Klu tshinanu mapchahawaka yanikatshri hi himatlu hanu sreta hyamta.

João 4:34

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

João 9:4

Nujhalu nyokanatjeru halukanru nkamhiywaka, hohi rixka pchinika. Klu tshinanu hoyetshno hapokanu. Waneya hoyetshno rixinpatka hike kamrurewatanu.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 13:27

Jerusalém hajene haté htsrukakalutene koxa hi rimathetluna Jesus yine Hiwekkakatshri rixyawaka. Yáholu ptowru hapnanuxikalur-hohne rethata hi rimatjemluna Hoyakalu tokanu hinkakletatshri tokanu. Seyni wanepnawaka mitshikawako yokanatkaluru hakanhatka Jesus jihyehixikolu hohne.