Lucas 13:16 - Bíblia

¹⁶ Hiyrunu xawakni twu suxo Abraão-ni klopicha. Satanás kachitanro dezoito mhale pchinika. Hiyáhoni kluneru tshinanhe hi tumukata hichotkota xye tkachikanaxikolu hapnanuxikalur-hohne?

Lucas 13:16 ပူးပေါင်းရင်းမြစ်များ

Mateus 4:10

Waneya Jesus wan-tshinru: — Pyanutka Satanás! Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu Poyakalute tsonu pimalwutanu hiyrun-koxa wale tsonu pomkahitanu.”

Marcos 2:27

Waneya wla htshinna Jesus: — Hapnanuxikalur-hohne repixyawakaplu yine tshinanu hkamhaka. Hoyakalu hi kamhalu jeji hapnanuxikalur-hohne repixyawakapa.

Lucas 16:24

Waneya hsaplewata phurni: “Nutsrukatni Abraão-ni, petwamonutanno! Pyokanatanru Lázaro-ni, himyoji ruhakamtanu waneya runanu ruhakanrutanunno klu tshinanu nsalewna hewi tshitshmeroya!”

Lucas 19:9

Waneya Jesus wla tshinru: — Xawakniko hiweklu jihlokatkalu xyepji. Klu tshinanu Abraão-ni when-koxni wale.

Lucas 3:8

Hekhixinwa hehchinikanutatshinhi hixyawaka kihleru kamhatshinhi hixyawaka. Hi hyinuwaka wla tshinkakletanu hixkakluko: “Hixni Abraão-ni klopichanwu.” Klu tshinanu nunkakhi Hoyakalu himukata hakanhakakletanru Abraão-ni klopichane xyekaka sotluya!

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

Atos 13:26

— Jejine, nomolene, Abraão klopichane whenene hiyrun-koxa katukta kahwakpiratlu Hoyakalu hixa tskalaya hyijnakotanno: Hixa tshinanu hyokanatka xye Hiwekkaklewatatshri pirana.

2 Timóteo 2:26

Hiyahokni tsru kamtshi hitsekletpo pixkalutu ruchpajinna raluka kachretanune pejnu.