Lucas 12:48 - Bíblia

⁴⁸ Seyni towrertshi, htowutjeru halukanru mimatkatu, hpupjexini pa hixanuya, rujhalu rapnokaxikowakapa seyni psotsonu hkotshipjexiko. Klu tshinanu katukta hixo henekka, hixo koxa rujhiko. Hiyrun-koxa hixo hitajikaluru, hixo ranjitko.

Lucas 12:48 ပူးပေါင်းရင်းမြစ်များ

Mateus 13:12

Klu tshinanu katukta himatjemlu, Hoyakalu pnute rimatjemkakanru wale haté rimatjempotuxyawakaplu. Seyni mimatjemkatu haté rimatjemlejiji hkonanu Hoyakalu.

Mateus 23:14

[Hapnokatkalunephi kasruklewaklerune hinanchitkaluru pirana hasruklewatatshine hiyrun-koxa fariseu-ne! Hipnahnurutatshrone hkonahejnunkatetna. Wanepnawaka hohanjihohneru rixjetna kihleru hkahwajikolupna. Seyni wanepnawaka tsru hapnokatlu rixkona.]

Lucas 12:41

Waneya Pedro hepomhalu: — Tsru Hixikatshriwa, xye yapkaklu ptshinreru ho hixa tshinanu tsonuplahe ho pimrine tshinan-koxaplahe?

Lucas 12:49

Jesus wla tshinatnaka: — Nuna napnokaxyawaklu xye tshijne tshitshmeroyma. Hi pso haluklekananukta nixlu ralhiywakapa xye tshiji.

Lucas 16:2

Hiyáhoni htomhalu waneya wla htshinru: “Klunhe xye njempiranyehityi? Puhlepokotanru pantshi pinotjexyawaka pirana. Klu tshinanu hewi hi pumukata hinotlepjitatka.”

João 15:22

Hita nma munkanumka hiyrunu nma miynumatkanumkana yine waneyamka hi hektuwaka kamhatshinetkani. Seyni xawakni hi rawyana rektunna mimathexikowakanu.

Atos 17:30

Mitshikawni yine hi himathetlu Hoyakalu hiyáhoni retachakanatna yine. Seyni xawakni Hoyakalu ptowru yineru hinkaka rehchinikanuxyawakapa.

1 Timóteo 1:11

Hoyakalu tokanu honra, kihle piranalu potuko hiwekkaklewatatshri piranni. Xyekni tokantshi Hoyakalu hinkakjixno. Walekni kihler-potuko tokantshi hiwekkaklewatatshri pirana Hoyakalu poyahnutkaluru heneklewle.

1 Timóteo 1:13

Mitshikananu hektutu ntshinanwakjekanatlu Cristo. Nkamnijekanatlu ptowru pejnu hektutu nkamhanwakjekanatlu. Seyni Hoyakalu hiknokatkalu nektunu nma mimathetjekanatanutu. Wane nixjekanata malixkatu nixjekanaxiniwa.

1 Timóteo 6:20

Timóteo, puslahinwa pmunanhikoluya. Pkotspalaxinwa hektut-pirana hipiranachakaka tshinikoluya. Hiyrun-koxa yanumsalkaka hike mkochpakkatu pirana, himatkaltshi pirana htshinka seyni hike pkotspalaxinwa.

Tito 1:3

Hiyáhoni waleko hnurre papko, ruphujetlu htokanu, hinkaklewatatshineya. Wiwekkakjeru Hoyakalu, ntowutjeru, hit-potuko reneklu xye kamrurtshi.

Tiago 3:1

Cristo tshinanu nmoletanune hi xako hixophi Cristo pirana hasruklewatatshinhi. Klu tshinanu himatanru hixa hasruklewatatshinwu potu hikolukanuwnanu.