Lucas 12:42 - Bíblia

⁴² Waneya Jesus wan-tshinru: — Katnihe towrertshi ptowutkolu, kahchinikanuru? Walepkani towrertshi rutakka htowutjerupji rinoxyawakapa hiyrunu pimrine towrertshine reneka niklexyawakapa niklu papkokaka.

Lucas 12:42 ပူးပေါင်းရင်းမြစ်များ

Mateus 13:52

Waneya Jesus wan-tshinna: — Ptowru Moisés hiykole yonatkaluru hasruklewatatshri tenhohne pohirewaxyawaka himatyehitatshri satu kapjiru pixkalutni. Kapjiru pantshi hejnu herotu hiyrun-koxa hejnu tsrutsoleji himretawaka hkochpajyalu.

Mateus 20:8

— Waneya kayi rixinixka susanateru wan-tshinru kamrurewatatshine hislahatshri: “Ptomhana kamrurewatatshine pwenuxyawakapna hkamrurna wenru. Hapkatatatshine pyinuwaka wenutletanu haté mitshikananu kamrurewatatshine pwenutanu.”

Lucas 12:43

Hihlehchinikanyehitkalurni wale towrertshi htowutjeru hininipa retamtlu wan-rixa kamrurekanata!

Lucas 7:13

Tsru Hixikatshriwa Jesus hexinixkalo, retwamonpotutlo. Waneya wane htshinatkalo: — Hi ptshiyahatanu.

Lucas 7:19

Hyokanatna Tsru Hixikatshriwa Jesus nwaka repomhiywakapluna: “Pixakatkalhe hinatshripyi tshinkaluryi ho satuklatshi wkahwakanu?”

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

1 Timóteo 3:15

Seyni hohamok-nixinipa, nyonanwakatanhi hixa het-yonhaxyawakaplu Hoyakalupji hajeru himata kosejyawakapa. Hoyakalupji, wannani yine Hoyakalu hiwekatshri hapatjetanune Cristo halixatshine. Halikak-potukananu tokantshi yoptowaka hwastsihitatshri, hwahohleru pixkalunni.

1 Timóteo 5:17

Cristo halixatshine hapatjetatshine kosekatshine kihle hinotlerune, kahwakkalunepni. Wan-hixatshine hijhalu hwenuthihlenuxikowakna. Wanna honukla hiwekkaklewatatshri pirana jinkakletaklerune potuko hiyrun-koxa Hoyakalu hasrukle hasruklewatatshine potu wan-hixko.

2 Timóteo 4:2

Punkakletanru tokantshi hiwekkaklewatatshri pirana. Pkamhapotutanru punkaklewaxyawaka hipapkolu potuko hiyrunu hipapko minje koxa. Yine majnákonu puykotanu, ppoyikotanna, ptowutanna yine halikak-potu romkahixyawakna, pasruklewatanu ptowru mchiretannutshiyma.

Tito 1:7

Klu tshinanu Cristo halixatshine hapatjetatshine kosekjeru haluklu hike mixkatu rixyawaka, Hoyakalu kamrure hepixatshripni wale, hi chiko hchinikanurupni, hi jihekanuwhapkatatshripni, hi katsholu jiraklerupni, hi kyahotkakaklerupni, hi tiyiro herupni.

Hebreus 13:17

Hyijnakotanna hkosekjene. Halixanna. Klu tshinanu wanna hixa hiwekle hislahjetatshinni. Hinoxikolu pirana hepomhakalunpakni wanna. Wan-rixinipa rumuwatanna. Hi hotshhitatshinepni klu tshinanu hixa tshinanu hwamonuwaxinipna, wale hi hepixanhi.

Hebreus 13:7

Hichinikanna mitshikananu hkosekjene Hoyakalu tokanu hinkakjene. Ralixlena homkahitanu hiyrunu hetjepotutanru rixjexyawakna kamle.

Hebreus 3:5

Halikaka Moisés-ni kihle kamrureru pantshi hajeru kamrurtshi tshinanu seyni towrertshi ptowutkolu pixka rixa. Hiyáhoni ruphujetlu hinkakletkaluru hinatshripa pirankaka.

1 Pedro 4:10

Ptowru yineru Hoyakalu henekachale yoptotatshritka. Hiyáhoni wale tshinanu hepixkakanu hixa satkakhi henejikolu hyoptotanrutkaymako. Wan-hixjetatka klu tshinanu Hoyakalu henekachale hijhakalur-potuko hislahatshinetkahi.