Lucas 12:37 - Bíblia

³⁷ Hihlewahchinikanyehitkalunephi towrertshine hiyokatshine pixka hixini, ptowruka halpokatkalurpatka hpohire hnapu. Halikaka wane ntshinhi, hpoyiptshijixinwa phuru. Htuplakjixanna htowrene. Repixanutkana wale potuko.

Lucas 12:37 ပူးပေါင်းရင်းမြစ်များ

Mateus 24:42

Hiyáhoni hislahinri klu tshinanu hixa hi himatlu Hitsrukate hapojinri hohnepa.

Lucas 12:36

Towrertshine pixka hixanu, hpohirna hkahwajinna hnunrowlu nikle yehi ruchpajinpatka pixka hixatshinephi. Rutpehiphaptotexinipa hkotpukyehihapkaxyawakapluna hitowrene.

Lucas 12:43

Hihlehchinikanyehitkalurni wale towrertshi htowutjeru hininipa retamtlu wan-rixa kamrurekanata!

Lucas 17:8

Hi he wla htshinhonuklu: “Nijittshi pkamhanu. Mkatshri nijittshi hikamhapi pmakatanu waneya punanu nijittshi putajinno. Nnikka pchinika nurka pchinika pinotanno. Nali niklexini tsonu pnikanu, puranu”? Hi he xawaka wlako htshinru htowreru?

Lucas 21:36

Hiyáhoni hi himnanhinri, hanjihohnejetanu, hi hituk-hanjihohneretanu, himukata hasuklexyawakaplu ptowruka xyekaka hinatshripa. Hpaklu poyehiwlehchinikanuta Jeji Whene tshinkaluru hetanuya.

Lucas 22:27

Klu tshinanu katpothe hijhakaluru? Ho nikjexikowaka tuplatatshri ho nijittshi hitakatshri? Hi he nikjexikowaka tuplatatshri potu hijhakaluru? Seyni hix-yehiya towrertshino Hita.

João 12:26

Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.

1 Coríntios 2:9

Hiyáhoni wane htshina Hoyakalu tokanu yonatkaluru mitshikawlur-pirana: “Hi satukna yineru hetjejetlu, hi satukna jemjejetlu, hi waleko ruchinikanretjejeta yineru ptowru potuko Hoyakalu halpokoxyana ruchinikjene.”

Filipenses 1:21

Klu tshinanu hitaya kluneruktákoni kihleru niwejyawaka? Klu tshinanu niwejini Cristo tshinanu niweka. Seyni nupnini waleni kihler-potuwa hitaya.

Filipenses 1:23

Klu tshinanu hepi hchinikanno. Nalukpotutmaklu nupnale Cristo nwaka nwinripatka klu tshinanu walekni kihler-potuko.

2 Pedro 1:11

Wan-hixatshinephi hepixko halikak-potuko hjihlojyawakaplu Wiwekkakjeru Wutsrukate Jesus Cristo pohirewaxyawaka hike rixiniko mnikawnakatupni.

2 Pedro 3:14

Hiyáhoni nuchinikanune, xyekaka hapokatshripa kahwakatshine tshinanu jmererunephi. Kihlehchinikanurunephi Cristo-ya, hi psojikna hektuntshiyma hikchikko, hike mixkanephi.

Apocalipse 14:13

Waneya nyijnakotlu tokantshi tenhohneyalutu wan-tshinatshri: — Xye pirana pyonatanu. Kihlehchinikanurunepni hipnatshine xye hohne pnutpatka Tsru Hixikatshriwa Cristo hiwaka tshinanu hipnatshine. — Hehe, halikakni! — htshina Hoyakalu Hiwejikaluru. — Rapnanutanuna hkamrureyna hiyrun-koxa hkamrurna hkamhajekanatanruna hpohitanna.

Apocalipse 16:15

“Hjemanu! Halikaka katshowhuru hinre, munkakletu pixka nixa hinretanu hita. Hiyáhoni kihlehchinikanurupni yineru, wale hohne kahwakatshri, himkalu hihlepokotatshri. Mamkatu phujewaka myapyawakanupa, hma patewaxyawakanupa.”

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.

Apocalipse 7:17

Klu tshinanu Carneiro Whene tshinkaluru pohirtshi tuplawakle hanikajite hwatshri hohlutanna. Hkosekanna honha kihleru, hiwekkaklewatatshri-ha nwaka. Hiyrun-koxa Hoyakalu ptowru hiktehna hcheyixyana.