Lucas 12:32 - Bíblia

³² Waneya Jesus wla tshina: — Noprane ovelha-ne mixone pixkalunmakhi seyni hi hpikanu. Klu tshinanu hixa Hiru nurehchinikanuxnawa hpohirewaxyawaka renejyawakaphi.

Lucas 12:32 ပူးပေါင်းရင်းမြစ်များ

Mateus 14:27

Seyni waneklukawa potuko Jesus wan-tshinna: — Hixkohchinikanuphi, Hitni! Hi hpikanu.

Mateus 20:16

Hiyáhoni hixolune rapkatle hwatshine kosekanutka. Hiyrun-koxa hixolune kosekakanatatshine hapkatatanutka. [Klu tshinanu hi heppikna tshanixkalunemka tomhaka seyni hi híxona nuretkalunetka.]

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Mateus 7:15

— Xako Hoyakalu tokanu hinkakletatshine yahole! Runyehithina carneiro hike mixlewatkatu pixka seyni halikaka hocha hajeru lobo tshinkaluru kmatsyiru pixkalunetkani.

Lucas 10:21

Waneya waneklu hpoyikowpotuta Jesus, Hoyakalu Hiwejikaluru himukatle tshinanu. Waneya wane htshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya. Hehe, Nuru, xye pixa palujyawakni.

João 18:36

Waneya Jesus wla tshinru: — Npohirewaxyawaka hi xye tshijne hajerni. Xye tshijne hajeru rixkamka, ntowrerune yahotkakanmaka nma kachixikowakanupa judeu-neya. Npohirewaxyawaka hi hewi hajerni.

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

Atos 20:29

Klu tshinanu nimata nuchpajinpatka pimrine hinanu hocha hajeru kmatsyiru pixka rixa hapokletanna, wannamka haluka nikatletlu Hoyakalu halixatshine hapatjetatshine.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

1 Coríntios 1:21

Hoyakalu rimatkalnu tshinanu hi ritshitna yine Hoyakalu rimatyehixyawakna yine rimatkalnu tshinanna. Seyni Hoyakalu hikchikahchinikanuxnawa riwekkajyawakapna hiwekkaklewatatshri pirana halixatshine. Pimrine mahchinikannutshi pirana rikahwakluna hiwekkaklewatatshri pirana.

Filipenses 2:13

Klu tshinanu Hoyakalukni hix-yehi kamrurewaxikatshri, halujyawakaplu hiyrun-koxa hkamhiywakaplu wale halujyawakako.

2 Tessalonicenses 1:11

Hiyáhoni wale tshinanu hi wutuk-hanjihohneyehrethi. Wanjijetlu Woyakalute xye htshanixikowaka pixka potuko halukalunephi. Hiyrun-koxa wanjijetlu Hoyakalu ptowru kihleru haluka kamhaletanru himata kamhiywakapa hiyrunu wanjijetlu halixlewlu kamrure hpoyahokakanu pixkontshiyma.

2 Tessalonicenses 1:5

Xye tshinanukni rimathexikowakapa halikakalutni, potukalni jihyehixikolu Hoyakalu hikolukanuwnayehjixlewle. Hiyáhoni xye ptowruka tshinanu Hoyakalu pohirewaxyawaka yehi poyahokakatshinephi. Wale tshinanu hsalewnajeta.

Hebreus 12:28

Hoyakalu wimalwutanu klu tshinanu pohirewaxikowaka muwchokkotu yoptotatshinetkawu. Poyahnuwatatshinepwu hiyrunu Hoyakalu himalwujetatshinepwu Hoyakalu halukleru pixka hixatshinepwu, Hoyakalu kahwakpiratatshinepwu tsru pikluyma.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

2 Pedro 1:11

Wan-hixatshinephi hepixko halikak-potuko hjihlojyawakaplu Wiwekkakjeru Wutsrukate Jesus Cristo pohirewaxyawaka hike rixiniko mnikawnakatupni.

Apocalipse 1:6

Hiyrunu ruyakotwu sacerdote-ne neru wixyawaka Ruru, Royakalute kamrure wkamhiywakapa. Hiyáhoni Jesus Cristo renejikowaka ptowru hoyaknutshi hiyrunu ptowru towuwlu ptowru hohne mnikawnakatupa. Amém.

Apocalipse 22:5

Wane hi rawanu hoyetshno. Hiyrun-koxa wane hi ralujiko nikotapi, hi tkatshi nikotle ralukanna klu tshinanu Tsru Hixikatshriwa Hoyakalu nikotyehitanna. Wanna yine pohirewhohnekanatanutka hike rixiniko mnikawnakatupa.