Lucas 12:28 - Bíblia

²⁸ Hoyakalukni makawkaklu campo hwatshriptshe xawakni wetleru yetshikawa ramhannatka forno hyoxijikolu tshinanu. Hi he kchana hmakaxyawaka pnute rixa makawkakletanhi hixa malixaklenhi?

Lucas 12:28 ပူးပေါင်းရင်းမြစ်များ

Mateus 14:31

Waneklukawa potuko Jesus homyokanwakatlu Pedro, hkachitlu. Waneya Jesus wla tshinru: — Pixa pso halixle jijiryi! Klu tshinanhe putuk-munanhaletno?

Mateus 16:8

Seyni Jesus yijnakotna htshinyawakna waneya repomhana: — Hixa pso halixle jijirunhi, klu tshinanhe hihjekaka pão hma manijyawakanu tshinanu?

Mateus 17:17

Waneya Jesus wan-tshina: — Malixaklenhi, hektutu kkamhaklerunhi xyeklu papko hwatshinhi. Haté hi pejnu hohnekta nimwanhi hixa? Haté hi pejnu hohnekta nakotanhi? Waneya wla htshinru tsru: — Wkata panikanru pituru.

Mateus 17:20

Jesus hihitna: — Klu tshinanu hmalixlenu tshinanu. Halikaka ntshinhi, mostarda-tataji pso rixiniklunu halixle waneya himukata xye himriji wla tshinreta: “Wane puchpajini, klanu pyanu.” Waneyamka wane potuko rixanu. Hikemkapni hma mumukatanutu.

Mateus 6:30

Hoyakalukni makawkaklu campo hwatshriptshe xawakni wetleru yetshikawa ramhannatka forno hyoxijikolu tshinanu. Hi he kchana hmakaxyawaka pnute rix-makawkakletanhi hixa pso halixle jijirunhi?

Mateus 8:26

Waneya Jesus wla tshinna: — Klu tshinanhe hpikatka hixa pso halixle jijirunhi? Waneya hyotunota htshihetjetlu kanniphalu. Pokokha rixatka hipowha.

Lucas 8:25

Waneya Jesus hepomhatkana rasruklene wane htshinna: — Hanurhe hixa halixle? Seyni hpikatkana hiyáhoni wane htshinkakna wannakakluko: — Hanu hixatshri koxni xye jeji? Klu tshinanu kanniphalu hipowha koxa yijnakotlu.

Hebreus 6:7

Klu tshinanu tshiji hina yoptojetatshri, tseruwnakaklu hitaklu repixyawakapna wanna hitaklewatatshine. Hoyakalu hihlewahchinikanyehitlu tshiji.

1 Pedro 1:24

“Klu tshinanu ptowru yineru peklo pixka hixatshrini. Hiyrun-koxa ptowru hixatshri yineru hihlenu kchana hwu pixkalutni. Peklo hiprihachata hiyrun-koxa kchana hwu hijrukachata.