Lucas 12:21 - Bíblia

²¹ Waneya Jesus wla tshina: — Wan-rixanuna yinepni hejnu hapatjetatshinepni wannanupka hijhatshinepni seyni hike mwikanenapni Tsru Hixikatshriwa Hoyakalu yehiya.

Lucas 12:21 ပူးပေါင်းရင်းမြစ်များ

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 16:11

Klu tshinanu muhle hislahletkane hixini xye tshijne pohirewnale tshinanu, kathe xawaka munanhanhi pohirewnalu halikakalutu tshinanu?

Lucas 6:24

— Seyni wamonuwatatshinenapni hixa phurunephi xye papko hajenepni klu tshinanu xawakni tsonu kihle hiweklenhi!

Romanos 2:5

Seyni chiko haji pixini, pma mehchinikanhajitkanu tshinanu papatjeyehixnawa tsru jhekantshi hapnokaxikolu hohne tshinanu Hoyakalu hekhitlu hchinikannu potukal-potuko.

2 Coríntios 6:10

Wamonuwnatshine hikahwakkalunwu seyni hi wutuk-poyikowleta. Hike mwikane pixkalunwu seyni hixolune yine wpohirewnakaka. Hatatjewa mejnunkatenwu seyni halikaka ptowru potuko wimwa.

1 Timóteo 6:9

Halikakni tsru tiyiro kaypiratatshine hyahotalexikowakna hyana. Ptowru hixatshri hike mkochpakkatu halujikolu hektutu hyohnixnawa yineru. Xyekaka heneklu yineru salewaktshi hiyrun-koxa hamhikowaka raniklewata.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.