Lucas 12:17 - Bíblia

¹⁷ Waneya hyinuwaka hichinikanuwleta: Hi kwawakleyno xye tsru honantshi nimrexyawakapa. Hanhe nixanu xawaka?

Lucas 12:17 ပူးပေါင်းရင်းမြစ်များ

Mateus 16:7

Waneya rasruklene yinuwaka hihjekakleta wannakakluko, waneya wla htshinna: — Wale wan-tshina klu tshinanu pão hi wanikatka.

Mateus 5:42

Satu yineru pa hixanu hanjixinyi, penekanru. Hiyrun-koxa katukta pa hixanu haluk-haniklechaxyayi, penekanru.

Lucas 10:25

Waneya satu Moisés yonreru pirana himatpotutatshri palnamta hyahoxyawakaplu Jesus. Wla htshin-hepomhaletlu: — Kasruklewakleru, kluhe nkamhanu nkayaxyawakaplu hiwejikaluru hikeklu hohne mnikawnakatupa?

Lucas 11:41

Hiyáhoni xawakni psoji himwaleru xako henekanna hike mwikane. Waneyakni wan-hixinipa ptowruko powrapatka hixa tshinanu.

Lucas 12:16

Waneya Jesus xye yapkaklu rutaka: “Rawa satu jeji phuru. Htshijne rawa tsru honantshi.

Lucas 12:18

Ha! Xawakni nimatlu nkamhanrupa, — htshina wale nanwaka. — Nyotkakanru pantshi hitsruka honantshi himrexikowakapjikaka waneya herotu pantshikaka nkamhanu tsru potpaklu. Waneko nimrexinri nonanru psoluka, nimwaleru ptowruka koxa.

Lucas 12:22

Waneyakni Jesus wan-tshinna rasruklene: — Hi hkojwakahchinikanutanu hanu hixa hiwekletanu, klu hnikanu. Hi himane tshinanuko koxa hkojwakahchinikanutanu klu hmakatanu.

Lucas 12:29

Hiyáhoni hi hijhanru klu hnikanu ho klu hiranu. Hi hkojwakahchinikanuxinwa.

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 16:3

— Waneya pantshi hinotakanatatshri wan-tshina hitoko hchinikanuya: “Klu nkamhanutka xawakni? Klu tshinanu ntowutjeru yokanatno. Hi kmixkonno njitoxyawaka. Npatewata tiyiro nanjijechaxyawaka.

Lucas 16:9

Hiyáhoni wla ntshinhi: Hikchikanru himatletleru xye tshijne pohirewnaleyma. Waneya wale pohirewnalu nikawninipa, hyoptotkona hwikowaka hikeklu mnikawnakatu yehiya.

Lucas 18:22

Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 19:17

— Waneya phuru wan-tshinru: “Poyahnu, kihleru towrertshiyi. Psotsonu tshinanu kihle hislahlu pixlu. Hiyáhoni dez poktshi pohirepyi.”

Lucas 3:11

Ruhjekakna, wla htshinjekanatna: — Hepi mkatshri himwatshri henekanru hike mimwakatu. Niktshi himwatshri hapikanru hike mnikkatu.

Atos 16:30

Waneya preso chefe-te hanikna maleka sreta waneya wane htshinna: — Jejine, kluhe numukata kamhaleta niwejyawaka?

Atos 2:37

Waneya xye pirana hjeminna yine, ptowruneka kojwakahchinikanutatka. Hiyáhoni repomhana Pedro hiyrun-koxa pimrine nuretkalune: — Wimolene, kluneruktshika wkamhanutka xawakni?

Romanos 12:13

Henekachalewatanu mahaxikatshine moletkakatshine Jesus tshinanu. Yanamtatshine hapojini kihle yoptole hixanna.

1 Timóteo 6:17

Xye tshijne hwatshine tsru ktiyiroterune wane ntshina hiykolethi. Hi halixkoxikatshinepwahi. Hiyrun-koxa hi tiyiro himat-nikawnatshri hmunanhanu. Seyni halikaka Hoyakalu ptowru potuko wumuwle wenekjeru wmunanhanu.

1 João 3:16

Xye tshinanukni wimathetlu hichiniklewlu. Klu tshinanu Cristo, riwekle ruknoka hixa tshinanu. Hiyáhoni hix-koxa wumukata wiwekle hamtakleta wimolene tshinanu.