Lucas 12:1 - Bíblia

¹ Waneya rapatjetna hixolune yine, hixo mil yine. Haté hkatsrekkakna wannakakluko. Waneya mitshikananhapka Jesus wan-tshinna rasruklene: — Hetanru xako fariseu-ne tserutjeru. Waleni rixachalna.

Lucas 12:1 ပူးပေါင်းရင်းမြစ်များ

Lucas 11:44

— Hapnokatkalunephi! Kapnatkalunenatka pixkalunhi. Metapnatkotuya. Yine wale hoho hyapmakna seyni hi rimathetluna.

Lucas 12:56

Hixachatatshinhi! Klu tshinanu tshiji, tenhohne himaxikolkaka himatheta. Hiyáhoni haklu tshinanhe hi himathetlu xye hohnekaka hetlurutka hanu rixa?

Lucas 5:1

Waneya wla rixa Jesus. Hipowha Genesaré wnahlu rawakanata Jesus. Ripxakjekanaxyawakluna yine Hoyakalu tokanu hjemyawakna.

Lucas 5:15

Seyni pnute hya kopalpiranretlu. Hiyáhoni hixolune yine hinanwakatlu Jesus tokanu hjemyawakna hiyrun-koxa hyeyixlena rutskalajyawakapa.

Lucas 6:17

Waneya Jesus himriji hserpikatka rasrukleneyma waneya rutukamta kihlemta tshijiwaka pimrine hixolune rasrukleneyma. Hixolune yine hwakanata. Wannani Judeia tshijne hajene, Jerusalém poktshi hajen-koxa, hiyrun-koxa Tiro poktshi hajene hiyrun-koxa Sidom poktshi hajene mar powhastsi poktshikaka hwatshrikaka.

Atos 21:20

Hyijnakoxinixkaluna hpoyahnutluna Hoyakalu waneya wane htshinruna: — Petewa wimole, hi pejnu mil kananu judeu Cristo halixatshinetka hiyrunu wanna ptowruneka Moisés yonreru pirana homkahpotutatshinetkani.

1 Coríntios 15:3

Mitshikananhapka nunkajikolu pirana nunkakatkahi. Walekni, Cristo hipnapya wektunu tshinanu yonatkaluru Hoyakalu tshinyawaka pixka.

Hebreus 12:22

Seyni hixa Sião tshinkaluru mrijiko hapokatka hiyrunu Hoyakalu hiwekatshri poktshiko Jerusalém tshinikowaka tenhohne hwatshri poktshi hapokatka hixa. Hiyrunu hiwejikalune Hoyakalu towrene tenhohne hajene hixolune potu yehi hapokatka.

Tiago 3:17

Seyni himatkalnutshi tenhohne hichpajikatshri waleni mitshikananu powra hchinikan-menu. Waneya walestsi hajeru, kihle hwachluni, mayohnutshi, kihle hepomhakolu, jetwamonukleru, kihle kamrurewleru potu, myokmakahchinikanutkatu, mixachatkatu.

1 Pedro 2:1

Hiyáhoni xawakni ptowru hixatshri hahnantshi, ptowru yokwijrewlu, ptowru hixachatatshri, ptowru sotanuhonutshi, tokantshi ptowru hixatshriko hiknokanu.