Lucas 11:9 - Bíblia

⁹ Hiyáhoni wane ntshinhi: Hanjitanu henekko. Hijhanu hikchikanu. Hitpehiphaptotetanu, hkotpukko hiphapto.

Lucas 11:9 ပူးပေါင်းရင်းမြစ်များ

Mateus 21:22

Halixinri hanjireru hanjihohneruya hyoptoxyawaka, hyoptotanru.

Mateus 21:31

Waneya Jesus hepomhana tsru hixikatshinwa sacerdote-ne hiyrunu judeu-ne tsru hixikatshinwa, wla htshinna: — Hanurhe kamhalu ruru halujyawaka? Waneya wla htshinruna: — Hituru tsrujru. Hiyáhoni Jesus wla tshinna: — Jijhawenruklerune hiyrun-koxa kapoklewaklerone Hoyakalu pohirewaxyawaka jihlokanu hixa hkosejinna.

Mateus 6:29

Seyni wane ntshinyi halikaka hi phuru Salomão-niko, phuru potukni, seyni mkatshri kihler-potuko rutakjereru hi kahwuru pa hihlenu rixa.

Marcos 11:24

Wale tshinanu wane ntshinhi: Hanjihohnexini, pa hixanu hanjixini, halixanu hyoptoxyawakatkalu waneya hixa ptowruka henekkotka.

Marcos 13:37

Ntshinyawakhi ptowrunekhi ntshinanru: Halikak-potu hislahinri!

Lucas 11:10

Klu tshinanu ptowru hanjitatshri yoptotanru. Hiyrun-koxa ptowru hijhatshri hikchikanru. Ptowru yineru hiphapto hitpetatshri hkotpukyehitko hiphapto.

João 14:13

Hiyáhoni kluneruktako hanjixini hita hiwaka tshinanu, wale nkamhanu halikaka, Nuru Hoyakalu himalwuxiko Whentshi tshinkalurno tshinanu.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 15:7

Hita himwini hiyrunu ntokanu hixa hitokote hwanu, halukanru kluneruktako hanjixini, wale hyoptotanu.

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

2 Coríntios 6:2

“Hyijnakotanru Hoyakalu tshinyawaka: Hijhiniklunru hohneno nyijnakothi, Nepixatkahi hiwekkajikolu hohne tshinanuya.” Hyijnakotanu. Xawakni halikaka hipapkolutkani hyoptoxikowaka Hoyakalu hepixle. Xawakni potuko hihohnerutkani hiwekkajikowaka hixa.

Hebreus 11:6

Klu tshinanu halixlu minjeyma hike himukata poyikotletlu Hoyakalu. Seyni katukta haluka yanwakletlu Hoyakalu raluk-halixletlu rawa Hoyakalu. Hiyrun-koxa Hoyakalu hijhatshine hkahwakan-koxluna renejikolna heneklewatatshri Hoyakalu.

Hebreus 4:16

Hiyáhoni Hoyakalu tuplawakle tskihistsi wyanu hike wpikanu klu tshinanu wanetkalu hetwamonru hikchijikolu. Wane wukchijinri Hoyakalu hetwamonuxyawakwu hiyrunu repixle tshinanwu ptowru katako wujhiniplu.

Tiago 1:5

Seyni satkakhi hixa himatkalnutshi hmahaxini, Hoyakalu hanjitanu waneya renekanhi. Klu tshinanu Hoyakalukni kchinikanuru, ptowru yine ranjitjene renekachata ptowruko hiyrunu rukchikhihlenutlu renekachalewaxyawaka.

Tiago 5:15

Hanjihohneru Hoyakalu munanhaleru, hitskalakanru yeyixatshri. Tsru Hixikatshriwa Hoyakalu hitskalakanru. Hiyrun-koxa majnakowatatshri rixini ruknokahchinikanyehitko rektunuya.

1 João 3:22

Hiyahokni kluneruktako wanjixinri, walemyo wyoptoxinri klu tshinanu htokanu womkahjeta hiyrunu rukchikhihlenutanru wkamhajeta.

Apocalipse 2:24

Seyni wla ntshinhi pimrine Tiatira poktshi hajenhi, hixa ptowruneka xye hasruklu momkahitkane hiyrunu hipiranacha pimrine kochtshekleru pirana, tsru kamtshi Satanás tsonu himukata hiphujetleru pirana, mimatkanhi, wla ntshinhi. Hi satuko hinolu nenekanhi wane pnutetka.