Lucas 11:49 - Bíblia

⁴⁹ Hiyah-koxni Hoyakalu rimatkalnuyma wla htshina: “Nyokananwakatmakna, hinamtatshri pirana hinkakletatshine, nnuretanun-koxa. Satkakapni ruylatanna. Pimrinepni hsalewnakakanna.”

Lucas 11:49 ပူးပေါင်းရင်းမြစ်များ

Mateus 22:6

Pimrine kachitanna phuru towrenni, hkotshipjetatkana, ruylatanatkana towrertshinni.

Lucas 11:48

Hiyáhoni wan-hixa hiphujetlexnawa hitsrukatenni kamrure hikchikhihlenutatshinhi. Klu tshinanu wanna hiylatanna hixa hihle yomletanna.

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

João 16:2

Hanjihohnewakapjikaka hkochpajikolupa hixa hiyrun-koxa rapokpapkolutanu hiylaxikowaka Hoyakalu halukanru hkamhahoxinwa.

Atos 1:8

Seyni Hoyakalu Hiwejikaluru hix-hoho rapojinipa hyoptotanru pixkontshi hiyáhoni nuphujtatjenephi Jerusalém poktshiya hiyrunu Judeia tshijne psoluka, Samaria tshijneya, haté hmahaxyawaka tshiji nuphujtatjeneyaphi.

Atos 11:27

Waneya waneklu papko satkaka Hoyakalu tokanu hinkakletatshine Jerusalém hichpajya Antioquia poktshi rapokna.

Atos 22:20

Hiyrunu puphujtatjerni Estêvão ruylaxinruna hit-koxa wane hwakanata. Nukchikhihlenutlu wan-rixyawakluna. Hiylalewatatshine mkalu ninota.”

Atos 7:57

Seyni hixolune katshpokajnakopnamta. Hsaplewpotutna pa kaphohotkolutu rixluna Estêvão.

Atos 8:3

Seyni Saulo hijhalu Cristo halixatshine hapatjetatshine hnikaxyawakna. Papji pejnu hjihloka, hkochtshekna jejine, suxon-koxa waneya kapna ruknokanatkana.

1 Coríntios 1:24

Seyni ptowruneka Hoyakalu tshanixlene tshinanu, judeu-ne hiyrun-koxa judeu mixkane tshinanu Cristo-kni Hoyakalu pixkonu hiyrun-koxa Hoyakalu himatkalewle.

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

Efésios 4:11

Walekatkani henekachalkaka reneksatna yine. Reneksatkatkana nuretkalune rixyawakna, pimrine reneksata Hoyakalu tokanu hinkakletatshine rixyawakna, pimrine reneksatna Hoyakalu tokanu jinkakletaklerune rixyawakna hiyrun-koxa reneksatna halixatshine hinotatshine rixyawakna hiyrunu pimrine reneksatna hapatjetatshine kosekatshine rixyawakna.

Colossenses 2:3

Ptowruko kwenuru himretakanatkaluru himatkaltshi hiyrunu himatjemlu Hoyakalunni Cristo tsonu rimatyehixikatka.

Apocalipse 16:6

Klu tshinanu pnurrene palixjene hiyrunu ptokanu hinkakletatshine hkochpakahrahatatkana. Hiyáhoni hrahtshi putna. Rapnutkana halikaka.

Apocalipse 18:20

Hiyáhoni xawakni himuwatanu tenhohne hwatshinhi, Hoyakalunerune, nuretkalunhi hiyrunu Hoyakalu tokanu hinkakletatshinhi. Klu tshinanu Hoyakalu hapnokatlu wale tsru poktshi, rixjekanaxyawakhi tsru poktshi pixka rixlu.