Lucas 11:41 - Bíblia

⁴¹ Hiyáhoni xawakni psoji himwaleru xako henekanna hike mwikane. Waneyakni wan-hixinipa ptowruko powrapatka hixa tshinanu.

Lucas 11:41 ပူးပေါင်းရင်းမြစ်များ

Mateus 26:11

Hike mwikane ptowru hohneruka himwanu hixa tskalaya seyni hi ptowru hohneruka pimwanno hita.

Mateus 5:42

Satu yineru pa hixanu hanjixinyi, penekanru. Hiyrun-koxa katukta pa hixanu haluk-haniklechaxyayi, penekanru.

Marcos 7:19

Klu tshinanu hihchinikanu hi hjihloka seyni hisatu hya waneya himane ruchpajya. Xye pirana runkakkatkana rimaxyawakna ptowru nikkaluru himukata nikletka.

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 16:9

Hiyáhoni wla ntshinhi: Hikchikanru himatletleru xye tshijne pohirewnaleyma. Waneya wale pohirewnalu nikawninipa, hyoptotkona hwikowaka hikeklu mnikawnakatu yehiya.

Lucas 18:22

Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 19:8

Waneya ptowru yine hetanu hyopkaka Zaqueu tshinkaluru. Waneya wla htshinru Tsru Hixikatshriwa Jesus: — Tsru Hixikatshriwa Jesus, petanu, hanikaji nimwaleru nenekanna hike mwikane. Hiyrun-koxa katuktako pa hixanu ntshowhuxya nyokwijreymalu, quatro kata pnute nsatkajinri.

Atos 10:15

Seyni tokantshi hinatnaka Pedro yehi wan-tshinatshri: — Kluneruktako Hoyakalu powratanru hi kaptsholu ptshinanru.

Atos 11:29

Hiyáhoni Antioquia hajene Cristo halixatshine wan-rixa hichinikanuwletna hyokanaxyawakna repixikolna Judeia hajene Cristo halixatshine. Satkaka yokanatlu hpoyaho yokanrexyawaka pso.

Atos 24:17

Hiyáhoni xawakni hixo mhale hiknohatka waneya nsatokanwakatlu Jerusalém tiyiro nenejyawakapna nonerune hiyrunu henekachal-koxa nanijyawakapa.

2 Coríntios 8:12

Klu tshinanu henekachalu raluk-heneklewlexini yineru, Hoyakalu yoptotlu renekachale rumukata hikchikleleru tshinanu. Hoyakalu hi haluklu yineru hma mimwanutuko renekachlewaxyawaka.

Efésios 4:28

Katshowhurukananu hi wane pnuteko htshowhuwatanutka seyni hkamrurewatanu. Waleko himyoya kihler-kamrurtshi hkamhanu hkayaxyawakapa. Wan-hixatshri himukata hapikletanna mahaxikatshine.

Tito 1:15

Powra hchinikanurune tshinanu ptowru potuko powratka. Seyni hektu hchinikanuru, malixkatu, hikenni powralu seyni haté ruchinikanretlerna hiyrunu rajna hi powra seyni himtukalewatatshrini wale ptowruka.

Hebreus 13:16

Seyni kihleru hkamhajexyawaka hiyrunu hepixkajyawaka hi hichotanu. Klu tshinanu Hoyakalu hikchikhihlenutlu wane pixkalutu, henekachalu pixkalutu rikahwaklu.

Hebreus 6:10

Klu tshinanu Hoyakalu hi kmayxakahchinikanuklerni. Hi ramtakanru hixa hkamrure hiyrun-koxa hichiniklewle Hoyakalu hiwaka tshinanu, hixa mitshi pimrine Jesus halixatshine potukalune hepixjekanaxini hiyrunu repixjetna haté xawakni tshinanu.

Tiago 1:27

Hoyakalu Hirtshi himalwuxikolu rukchikhihlenreru kihleru potukalu waleni murune hepixikolu hiyrunu hipnahnurutatshrone hepixikolu hsalewnalna tshinanu hiyrun-koxa rimrexinwa powra hchinikanuru xye tshijne hajeruya.