Lucas 11:36 - Bíblia

³⁶ Himane psoluka katawaka hixinipa, hi psojikna mapchahalu hwa, waneya katawaka potukni hatatjewa lamparina nikoxyawakni.

Lucas 11:36 ပူးပေါင်းရင်းမြစ်များ

Mateus 13:52

Waneya Jesus wan-tshinna: — Ptowru Moisés hiykole yonatkaluru hasruklewatatshri tenhohne pohirewaxyawaka himatyehitatshri satu kapjiru pixkalutni. Kapjiru pantshi hejnu herotu hiyrun-koxa hejnu tsrutsoleji himretawaka hkochpajyalu.

Mateus 5:15

Hiyrun-koxa hikeklu yineru lamparina nikotatshri hachhaji hpuko hitakanro. Seyni halikaka lamparina hitajikowaka tutakka, ptowru yineru walepji hajene hapkathojixyawakapa tnikotle tshinanu.

Lucas 11:35

Hiyáhoni hislahinwa katalu himane hwatshri hma mapchahawaxyawakanupa.

Lucas 11:37

Waneya rali yanumlexinixka Jesus, satu fariseu-ne tshanixlu Jesus hipji hnikapyawakapa. Waneya Jesus wan-ya. Mesa htuplata.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

Efésios 4:14

Hiyáhoni hi mturune pixka wixanu walixinpatkalu Hoyakalu pirana. Mtser-halixlene ruwchiwchikak-honuka hiyrunu pnuko hanikkalunetkani hihchinikanuyna weytshi hasruklewatatshineya. Nyi yokwirewlu hasruklewatatshine walekni hitseklu pixkalutu mtser-halixlene hpupjehapokajyawakapna.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

Hebreus 5:14

Seyni tsrune pixkalune nijitu nikkaluru potni, wane pixkalune hasruha kamrurewlehchinikanutatshine tshinanu rimathetluna hektuntshi hiyrunu rimat-nuretluna kihle kamrure rixyawakna.

Tiago 1:25

Seyni katuktako hislahpotuxiniplu potukalu tokantshi yokanatkaluru mimaletkotu pirana hiyrunu romkahpotuxiniplu tokantshi, xye yineru tokantshi hihnanutatshrini hiyrunu tokantshi kamhatshri koxni wale. Wan-hixatshri yineru hepixko Hoyakaluya hkamrure tshinanu.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.