Lucas 11:29 - Bíblia

²⁹ Rapatjestsitluna Jesus hixolune yine. Psal-potúkona. Waneya Jesus yinuwaka hinkaklewleta. Wla htshinatkana: — Nyi himiwekkakhohnekanatatshine hektutu kamhatshine potu. Hetkalurkakamka ranjitna. Seyni hi satukna hetkaluru rekhitkona seyni Jonas tshinkalurni hetkalurutepka rekhitkona pa hohne.

Lucas 11:29 ပူးပေါင်းရင်းမြစ်များ

Mateus 3:7

Rexinixka João híxona fariseu-ne, saduceu-ne koxa hinanwakamtlu batiza-xikowak-yehi, waneya wane htshina: — Hixa himnu pixka hixatshinhi, katshinolunhi! Kathe hinkakhi hiwejyawaka Hoyakalu hapnokatle hinatshripa?

Marcos 8:38

Klu tshinanu katukta hipatewatanno hita hiyrun-koxa ntokanu hipatewatatshri xye hektutu hiyrunu halixle mahle klu papko, waneya Jeji Whene tshinkalur-koxa hipatewatanru runinipa waleko royaknuyma hiyrunu Ruru hoyaknuyma rimapojinipa hiwejikalune Hoyakalu towrene tenhohne hajene potukaluneyma.

Lucas 11:16

Pimrinetnaka haluka yahtaletletlu Jesus hiyáhoni hetkaluru tenhohne hichpajikatshrimka ranjitluna.

Lucas 11:50

Hiyáhoni xawakni nyi himiwekkakhohnekanatatshine hapnokatko ptowruneka Hoyakalu tokanu hinkakletatshinni, hiylatkalunni tshinanu. Wanna hiylajetkalunni xye tshijne yinuwaklekananuko haté xawakni.

Lucas 12:1

Waneya rapatjetna hixolune yine, hixo mil yine. Haté hkatsrekkakna wannakakluko. Waneya mitshikananhapka Jesus wan-tshinna rasruklene: — Hetanru xako fariseu-ne tserutjeru. Waleni rixachalna.

Lucas 9:41

Waneya Jesus hihita. Wla htshina: — Yine malixaklenhi, hektutu kkamhaklerunhi. Haté hi pejnu hohnekta nimwanhi hixa? Haté hi pejnu hohnekta nakotanhi? Waneya wla htshinru tsru: — Wkata panikanru pituru.

João 2:18

Waneya judeu-ne hihitlu, wla htshinruna: — Kluneru hetkaluru pekhitanwu wimaxyawakaplu towutatshriyi xyekaka pumukata kamhalexyawaka?

João 6:30

Waneya wane htshinna wanna: — Klu himyekaklewatatshri pkamhanu wexyawakaplu walixyawakapyi? Klunerhe pumukata kamhaletanu?

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

1 Coríntios 1:22

Klu tshinanu judeu-ne hanjijetlu hetkalurkaka ralixyawakapna. Grego-nerune hijhalu himatkalewlu hiwekkaklewatatshrimka.