Lucas 11:2 - Bíblia

² Waneya Jesus wla tshina: — Wla htshina hanjihohneretanu: “Nuru, wanjityi pohitkalurupa pixa phiwaka potukalu. Runanutka pixa ppohirewaxyawaka.

Lucas 11:2 ပူးပေါင်းရင်းမြစ်များ

Mateus 10:32

— Katukta hiphujtatno yine jemanu, hit-koxa hiphujtatanru Nuru tenhohne hajeru hetanu.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 5:16

Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

Lucas 11:1

Waneyatnaka Jesus hanjihohnekanata. Rali hanjihohnerexini satu rasrukleru wla tshinru: — Tsru Hixikatshriwa Jesus, pasrukanwu wanjihohnexyawaka, hanu wtshinanu, João hasrujyawakna rasruklene pixka.

Romanos 1:7

Hiyáhoni nyonanwakathi hixa ptowrunekhi Roma poktshi hwatshinhi, Hoyakalu hamotanunhi, htomhaka Hoyakalu kotspalatanune hixyawakapa; waneyaphi Hoyakalu hihlenu hiyrun-koxa hihlehchinikanrewlu Wuru Hoyakaluya hiyrunu Tsru Hixikatshriwa Jesus Cristo-ya.

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

1 Coríntios 1:3

Nanjitlu Hoyakalu, Wuru hiyrun-koxa Wutsrukate Jesus Cristo hiru renejyawakaphi Hoyakalu hihlenu renekachale hiyrun-koxa hapnanuhchinikanru Hoyakalu henekanwu.

2 Coríntios 1:2

Hoyakalu henekachale hihlenu yoptotatshinephi. Hiyrun-koxa kihle hchinikanurunephi Wuru Hoyakaluya hiyrun-koxa Tsru Hixikatshriwa Jesus Cristo henekanwu.

Gálatas 1:4

Cristo henejnawa rupniywaka wektunu tshinanu. Wan-rixa Cristo riwekkajyawakwu xye hektutu hohneya, Hoyakalu, Wuru halujyawaka tshinanu.

Efésios 1:2

Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya hiyrunu Wutsrukate Jesus Cristo tshinanuya.

Filipenses 1:2

Hoyakalu henekachale hihlenu yoptotatshinephi, kihlehchinikanurunephi Wuru Hoyakalu tshinanu hiyrunu Wutsrukate Jesus Cristo tshinanuya.

Filipenses 4:20

Hiyáhoni xawakni Woyakalute Hoyakalu, Wuru himalwutkaluru ptowru hohne mnikawnakatupni. Wan-hixkalurupyi.

Colossenses 1:2

wyonatlo twu yonawahlo, hixa Hoyakalu hayinetene Colossos poktshi hajenhi tshinanu. Hixa wmoletanunhi Cristo tshinanu kalixaklerunhi Cristo-ya. Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya.

1 Tessalonicenses 1:1

Hita, Paulo-no, Silas tshinkaluruyma hiyrunu Timóteo tshinkaluruyma wyonatlo twu yonawahlo hixa Cristo halixatshine hapatjetatshinhi tshinanupa Tessalônica poktshi hajenhi. Hixa Hoyakalu Hirtshinunhi hiyrunu Tsru Hixikatshriwa Jesus Cristo-nunhi. Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya hiyrunu Wutsrukate Jesus Cristo tshinanuya.

1 Tessalonicenses 1:3

Hi wutuk-hichinikletlu hixa kamrure hixa halixle tshinanu hiyrunu Cristo hichinijyawaka tshinanu hkamrurewpotuxyawakatka hiyrunu wuchinikjetlu hanu hixa kahwakleta mchiretanutu Wutsrukate Jesus Cristo-ya Wuru Hoyakalu hetanuya.

2 Tessalonicenses 2:16

Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 15:4

Kathe hi pikanyi pixa, Tsru Hixikatshriwa Hoyakalu? Hiyrun-koxa kathe hi himalwutanyi poyaknu tshinanu? Klu tshinanu pixa tsonupka potukalyi. Ptowru tshijne hajene hinanwakatanyi rimalwuxyawakapyina. Klu tshinanu hiphujetkalurutkani pkamrure, potukal-potuko.”

Apocalipse 19:6

Waneya satu tsru himalu njema, hixolune tokanu nikahwaklu, hatatjewa tsru hokanu njema ho tsru rutlohle hima pixkalutu njema wla tshinatshri: — Himalwutkalurni Hoyakalu! Klu tshinanu Tsru Hixikatshriwa Hoyakalu ptowru himukatatshri towuwata!

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.