Lucas 11:15 - Bíblia

¹⁵ Seyni pimrine wan-tshinyehitlu Jesus: — Kamtshi pohire Belzebu tshinkaluru himukatleyma tshinanu hetko maleka ruknokna kamtshine.

Lucas 11:15 ပူးပေါင်းရင်းမြစ်များ

Mateus 10:25

Seyni hikamtutkalu hasrukkaluru rasrukjeru pixka rixyawaka hiyrun-koxa hikamtutkalu towutkaluru htowutjeru pixka rixyawaka. Kapjiru tsru kamtshi Belzebu (ho Satanás) rikahwajinrina, hi he pnute hektutu rikahwakkona walepji hajene?

Mateus 12:22

Waneya satu jeji ranikanwakatluna Jesus, metkatu hiyrunu myanumatkatu klu tshinanu kkamtshiterni. Jesus hitskalakatkalu, retatnaka hiyrun-koxa hyinuwaka yanumletatka.

Mateus 4:24

Jesus pirana Síria tshijne psoluka rupalpiranyehita. Ranikanwakatluna ptowru hixatshri yeyixatshri, satkaka tsru tshino jematshri, kkamtshiterukaka, satkaka hipukalewatatshine, hiyrun-koxa satkaka hiktehatshri waneya Jesus hitskalakna.

Mateus 9:34

Seyni fariseu-ne wla tshina: — Tsru kamtshi himukatleyma tshinanu hetko maleka ruknokna kamtshine.

João 10:20

Waneya yine hixolune wla tshinanwakatlu Jesus: — Wale hetko kkamtshiterni, mahchinikanutni wale. Ha, klu tshinanhe hyijnakjetokanutlu xye?

João 7:20

Waneya yine hixolune hihitlu, wla htshinatkana: — Pix-hetko kkamtshite. Klu tshinanu kathe haluk-hiylaletanyi?

João 8:48

Waneya judeu-ne hihitlu, wla htshinruna: — Hi he halikaka pirana wtshina, wla wtshinanwakaxinyi, Samaria hajeru wtshininyi, hiyrunu wla wtshininyi kkamtshityi?

João 8:52

Waneya judeu-ne wla tshinru: — Ha, xawakni wimatyi kkamtshityi halikaka. Abraão-ni hipnana hiyrunu Hoyakalu tokanu hinkakletatshine mitshikawlunni hipnana. Seyni pixa wan-tshina katukta homkahpotutlu ptokanu, hipuktshi hikeklu kachitanru wan-hixatshri, ptshina.