Lucas 11:13 - Bíblia

¹³ Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru, Hoyakalu Hiwejikaluru ranjitjeru.

Lucas 11:13 ပူးပေါင်းရင်းမြစ်များ

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Mateus 5:16

Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

Mateus 5:45

Pimrine himaxyawaka tenhohne hajeru hiru Hoyakalu whenenetkahi. Klu tshinanu Hoyakalu hichpakaklu htkatshne muhlene tshinanu, kihlerune tshinan-koxa. Hiyrun-koxa hyokanatlu hina poyahokakatshine yehi, mpoyahokkakane yehi koxa.

Mateus 6:14

— Klu tshinanu hixa hamtakahchinikanyehixinri pimrinkaka hektunu waneya Hirtshi tenhohne hajer-koxa hamtakahchinikanyehitanru hixa hektunu.

Mateus 6:30

Hoyakalukni makawkaklu campo hwatshriptshe xawakni wetleru yetshikawa ramhannatka forno hyoxijikolu tshinanu. Hi he kchana hmakaxyawaka pnute rix-makawkakletanhi hixa pso halixle jijirunhi?

Mateus 6:32

Klu tshinanu xyekaka rujhajetmakna moyakalutene hiyrun-koxa Hiru tenhohne hajeru himatlu xye ptowruka halukanru.

Mateus 7:11

Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru ranjitjeru.

Lucas 11:12

Ho tonaji ranjixini, heklolhe henekanru?

Lucas 11:2

Waneya Jesus wla tshina: — Wla htshina hanjihohneretanu: “Nuru, wanjityi pohitkalurupa pixa phiwaka potukalu. Runanutka pixa ppohirewaxyawaka.

Lucas 18:7

Hiyáhoni hi he xawaka Hoyakalu hapnuyehitanna rayinetene hnurrene, hohohne hoyetshno koxa ranjitjene? Himka repixhapkatanna.

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Romanos 5:17

Halikakni satupka yineru majnákonu tshinanu hipuktshi towutlewata. Seyni hakanhatshritka satupka yineru tshinanu, Jesus Cristo hektuntshi yohnik-himukatatshrini. Klu tshinanu ptowru neruko Hoyakalu hihlenu yoptotatshine, Hoyakalu henekachale potukatlewatatshri yoptotatshine pohirewnanu Cristo pixkonu tshinanu.

Romanos 7:18

Klu tshinanu nimatlu hita hitokote hikeni kihleru, walekni, nomane hi rawa kihleru. Klu tshinanu hitamka haluka kihleru nkamhiywaka seyni hi nkamhalu.

Romanos 8:32

Hoyakalu hi tshipetawheneta seyni hyokanatlu hixa ptowrunekwu tshinanu. Hiyáhoni hi he Jesus-yma renekanunwu ptowru potuko?

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.