Lucas 10:9 - Bíblia

⁹ Wane poktshi hwatshine hitskalhakakanu. Waneya wla htshinanna: “Hoyakalu pohirewaxyawaka hapokanwakatatkahi.”

Lucas 10:9 ပူးပေါင်းရင်းမြစ်များ

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 4:17

Waneya wane pnute Jesus yinuwaka hinkaklewleta, wla htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Marcos 4:30

Waneya pnuteko htshina Jesus: — Kluneru pixka rixa Hoyakalu pohirewaxyawaka? Kluneru nyapkakletanru?

Marcos 6:13

Hixo kamtshine maleka ruknokna. Nhihtshi ruyokjiwutna hixolune yeyixatshine waneya rutskalakna.

Lucas 10:10

Hanu poktshikta hjihloka hma malukkonuklunupa waneya wane hichpajini. Poktshi pjikaka hapotlo hyanu. Waneya wla htshinanu:

Lucas 10:11

“Haté tshiji pahi xye poktshi hajeru, wijixi hipxakatshri pahi, wcheyitanu hixa hetanu. Seyni hichinikanru xye: Hoyakalu pohirewaxyawaka hapokanwakatamkahi.”

Lucas 9:2

Jesus yokanatna Hoyakalu pohirewaxyawaka pirana runkaklexyawakapna hiyrun-koxa yeyixatshine rutskalajyawakna.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:5

Waneya Jesus wan-tshina: — Halikaka ntshina, hike himukata jihlokletanu Hoyakalu pohirewaxyawaka hma mathapkatkanuklunu honhaya, Hiwejikaluruya koxa.

Atos 28:28

Waneya Paulo wan-tshina: — Himatanu, Hoyakalu yokananwakat-koxna judeu mixkane hiwekkaklewatatshri pirana hiyáhoni wanna yijnakotanru hyoptotanruna wale pirana.

Atos 28:31

Tsru hihchinikanuyma runkaklewata Hoyakalu pohirewaxyawaka pirana, Jesus Cristo pirana koxa hiyrunu hike himaletpiranatlu.