Lucas 10:42 - Bíblia

⁴² Satupkalu hijhakalur-potu. Maria-kni kihleru nuretatka. Hiyrun-koxa hi tkonko tnurreru.

Lucas 10:42 ပူးပေါင်းရင်းမြစ်များ

Marcos 8:36

Hanhe rixa hepixletlu yineru xye tshijne hihlenu psoluka hkayaxiniklunu seyni riwejinri ramtakanuna?

Lucas 10:39

Waneyatka tepuro Maria tshinkaluro Tsru Hixikatshriwa Jesus jixistsi ttuplakanatatka. Tyijnakokanatlu htokanu.

Lucas 11:1

Waneyatnaka Jesus hanjihohnekanata. Rali hanjihohnerexini satu rasrukleru wla tshinru: — Tsru Hixikatshriwa Jesus, pasrukanwu wanjihohnexyawaka, hanu wtshinanu, João hasrujyawakna rasruklene pixka.

Lucas 12:20

Seyni Tsru Hixikatshriwa Hoyakalu wan-tshinru: “Jipukaleru! Xye yetshno potuko pupnanu. Ha xawakni kathe himutukanru wale ptowruka pimretanru?”

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 16:2

Hiyáhoni htomhalu waneya wla htshinru: “Klunhe xye njempiranyehityi? Puhlepokotanru pantshi pinotjexyawaka pirana. Klu tshinanu hewi hi pumukata hinotlepjitatka.”

Lucas 16:25

— Seyni Abraão-ni wan-tshinru: “Noturu, puchinikanru piwekakanaxini ptowruka kihleru pimwakanata seyni Lázaro salewnajekanata. Hiyáhoni xawakni wale hewiru hpoyikowahchinikanuta seyni pixa salewnanu.

Lucas 18:22

Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 8:18

— Hiyáhoni hislahinwa hanu pixa yijnakoletanru xye hima: Klu tshinanu hwikatshri pnute renekko. Seyni hike mwikatu haté seyo rimwaleru hkonkona.

João 11:1

Lázaro hiyrun-koxa himolerone Maria, Marta, Betânia poktshi hajenni. Seyni Lázaro yeyixakanata.

João 11:19

Hiyáhoni híxona judeu-ne hinanwakatlo Marta, Maria koxa hyokwihchinikanuxyawakapna himolni hipniywaka tshinanu.

João 12:3

Waneya Maria haniklo hanikaji litro phamluhalo kwenuro potu, nardo tskihi kamhikolni. Wala-ha tuyokjixitlu Jesus. Waneya tcheyijixitlu Jesus tojiwuchehiyma. Waneya phamluhalopha pantshi psoluka tupalata.

João 17:3

Pixa Hoyakalu halikakalutu rimaxyawakapna yine, hike pixka hixatshriyi, hiyrunu Jesus Cristo, pyokanatanru rimaxyawakapna yine, xyekni hiweklu hike rixiniko mnikawnakatupa.

João 4:14

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

João 5:24

Halikakni, halikakni wane ntshinhi, ntokanu jematshri, nyokanatjeru halixatshritka himwalu hiweklu hike rixiniko mnikawnakatu. Hike jikolukanuru waneylu. Seyni hipuktshi riknokajikatka hiweklu hjihlokatka.

João 6:27

Xako hi hkamrurewatanu nikkaluru himat-nikawnatshri tshinanu. Seyni hkamrurewatanu nikkaluru hikeklu hohne mnikawnakatupa tshinanu. Yineru Whene tshinkalurno xye nikluru hikeklu hohne mnikawnakatupa nenekanhi klu tshinanu Nuru Hoyakalu henekno xye tsru hitakkaluru.

1 Coríntios 13:3

Yáhomaklu ptowru potuko nimwaleru nenekachaxinna hike mwikane nohluxyawakapmakna ho nomane nenekachaxinna hyoxijikowakapa seyni nimwastsirene nma muchinikkanuklunu hike potuko nkochpaka hita.

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.