Lucas 10:25 - Bíblia

²⁵ Waneya satu Moisés yonreru pirana himatpotutatshri palnamta hyahoxyawakaplu Jesus. Wla htshin-hepomhaletlu: — Kasruklewakleru, kluhe nkamhanu nkayaxyawakaplu hiwejikaluru hikeklu hohne mnikawnakatupa?

Lucas 10:25 ပူးပေါင်းရင်းမြစ်များ

Marcos 10:17

Waneya hyinuwaka yanrexinixnaka Jesus, satu jeji hasukanwakatlu, hyoptsojityehitlu wale hoji sreta, waneya repomhalu, wla htshinru: — Kasruklewakleru kihleru, klunerhe nkamhanu niwejinri hikeklu hohne nma nikawniywakanupa?

Marcos 10:3

Waneya Jesus hihitna satu hepomhaluyma: — Kluhe ruykotatkahi Moisés-ni?

Marcos 12:28

Satu kasruklewakleru hinanchitkaluru pirana hasruklewatatshri wane hwakanata. Hyijnakotlu hiynumsakaklu. Retlu kihle hihre rixlu Jesus. Wale tshinanu wla htshin-hepomhaleta: — Kasruklewakleru, kluner-pothe hijhakaluru ptowru Moisés yonreru yonatkaluruya?

Lucas 10:24

Klu tshinanu wane ntshinhi hixo Hoyakalu tokanu hinkakletatshinni hiyrun-koxa phurune haluk-hetletmaklu hixa hetanrutka. Seyni hi retluna. Raluka yijnakoletmakluna hixa yijnakotanrutka seyni hi hyijnakotluna.

Lucas 10:26

Waneya Jesus wan-tshinru: — Hanhe htshina yonruru pirana? Hanhe htshin-yonhata?

Lucas 18:18

Waneya satu judeu tsrukakalu hepomhaplu Jesus, wla htshina: — Kasruklewakleru kihleru, klunerhe nkamhanu niwejinri hikeklu hohne nma nikawniywakanupa?

Lucas 7:30

Seyni fariseu-ne hiyrun-koxa Moisés yonreru pirana himatpotutatshine hi ralukluna João batiza-xyawakna. Hiyáhoni ruknokluna Hoyakalu halujyawaka ruchinikanreta heneklexikolmakna.

João 8:6

Wane htshinna rutseklexyawakluna Jesus, rumukata jihyehrexyawakapluna. Waneya Jesus yonohita. Tshiji hyonata himyojiya.

Gálatas 3:18

Klu tshinanu wyoptotanrupa Hoyakaluya, Moisés yonreru tshinanu wyoptotkamkalu, hiyáhoni hi Hoyakalu hinkakletlerumka wyoptoxinri. Seyni Abraão yoptoleru Hoyakalu henekachale.