Lucas 1:76 - Bíblia

⁷⁶ Hiyáhoni, noturu, Tsru Hixikatshriwa Hoyakalu, tenhohne hajeru tokanu hinkakletatshri ptshinko. Klu tshinanu pixa yihapamtanu Tsru Hixikatshriwa Hoyakalu hatnu hapote palpokoxyawakapa.

Lucas 1:76 ပူးပေါင်းရင်းမြစ်များ

Mateus 14:5

Herodes-mka haluk-hiylaletniru João-ni seyni hpikna yine klu tshinanu yine kahwakniru satu Hoyakalu tokanu hinkakletatshrini.

Mateus 21:26

Seyni wla wtshininri jeji ruchpajya htowutjeru, nyi hixolune yine wpikanu. Klu tshinanu ralixluna João-ni Hoyakalu tokanu hinkakletatshrini rixyawaka.

Mateus 3:11

Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Mateus 3:3

Hoyakalu tokanu hinkakletatshri, Isaías tshinkalurni yonatlu João pirana, wla htshina: “Kahnete poktshiri saplewaxikatshri tokanu: Halpokotanru Tsru Hixikatshriwa hatnu hapote. Hpotukatanru hatnu hapotkaka. Wale tshinanu hpotukatanru hatnu hapkaka.”

Marcos 11:32

Seyni wla wtshininri jeji ruchpajya htowutjeru hpikna hixolune yine klu tshinanu ralixluna João-ni Hoyakalu tokanu hinkakletatshrini rixyawaka.

Lucas 1:32

Tsru Hixikatshriwa rixyawakapa. Hhiwakatko, Hoyakalu Tsru Potuko whenni. Tsru Hixikatshriwa Hoyakalu henekanru rurni Davi-ni pohirewakanaxyawaka.

Lucas 1:35

Seyni hiwejikaluru Hoyakalu towreru tenhohne hajeru wan-tshinro: — Hoyakalu Hiwejikaluru pix-hohwaka rapokanu. Hiyrun-koxa Hoyakalu Ptowru Potuka Himukatatshri himukatle pix-hitokote hwanu. Wale tshinanu mturu pkaylerupa Hoyakalu nurrerni. Hoyakalu whene htshinko.

Lucas 6:35

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

João 1:23

Waneya João wla tshina: —“Hitni kahnete poktshiri saplewaxikatshri tokanno, wla tshinatshri: Halpokotanru Tsru Hixikatshriwa hatnu hapotkaka. Hoyakalu tokanu hinkakletatshrini Isaías-ni tshinkalurni tshinyawaka pixka nixa.”

João 1:27

Walekni hita pnute hapokatshripa hita yohnik-kahwakpiratkaluru. Hita hi tsru hixikatshriwano nkochpirojyawakaplo h-sapato-tetslu.

João 3:28

Hixni nimetjenhi wla ntshinreru mitshi: “Hi Messias-no hita seyni nyokanatka wale wkatanu napojyawakpatka.

Atos 16:17

Twu suxo Paulo hatjini tyachata hixaymalo. Tsaplewata, wane ttshina: — Nyi jejine Tsru Hixikatshriwa Hoyakalu homkahitatshinni! Wanna hinkaklewyehithi hiwekkaklewatatshri pirana!