Lucas 1:70 - Bíblia

⁷⁰ Mitshikawako wane htshinatka Hoyakalu, htokanu hinkakletatshine nuretkaluneya.

Lucas 1:70 ပူးပေါင်းရင်းမြစ်များ

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Marcos 12:36

Davi-ni potuko wan-tshina yonawahlo papel-mta, Hoyakalu Hiwejikaluru pixkonu tshinanu, wla htshina: “Tsru Hixikatshriwa Hoyakalu wan-tshinno Tsru Hixikatshriwa: Ptuplatanu npotukle sreta, haté pkamnitjene pijixi hpuko nutakanu.”

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

Atos 28:25

Wale tshinanu malixkane yinuwaka hihjekakleta wannakakluko hiyáhoni hyinuwaka hichpakletna. Seyni hma muchpajyawakanupna wanna, Paulo wan-tshinna: — Hoyakalu Hiwejikaluru hinkakna hixa hitsrukatenni Hoyakalu tokanu hinkakletatshriniya, Isaías tshinkalurni tokanu tshinanu, wla htshina:

Romanos 1:2

Kihler-potuko tokantshi hiwekkaklewatatshri piran-honra Hoyakalu mitshikananuko hinkakletlu Hoyakalu tokanu hinkakletatshineya hiyrunu Hoyakalu tokanu potukalu yonatkaluru rawa wale pirana.

Hebreus 3:7

Wla htshina Hoyakalu Hiwejikaluru: “Xawakni potuko hyijnaktokanuxinri Hoyakalu,

1 Pedro 1:12

Hoyakalu mitshi himatjemkakatkana, hi wannako tshinanupni xye pirana seyni hixa tshinanupni. Xyekaka pirana runkaklena hixa tshinanu, xawakni hinkakka kihle piranalu potuko hiwekkaklewatatshri pirana jinkakletakleruneya Hoyakalu Hiwejikaluru, tenhohne hichpajikatshri hepixleyma. Haté hiwejikalune Hoyakalu towrerune tenhohne hajene hijha himatletlu klunerni xyekaka pirana.

2 Pedro 1:21

Klu tshinanu tokantshi hiphujetkaluru mitshikawluru, hi yineru halujyawaka tshinanni. Seyni halikaka jejine, Hoyakalu nurrene hinkakletlu Hoyakalu Hiwejikaluru hinkajyatkana tokanu.

2 Pedro 3:2

Tokantshi mitshikawluru, Hoyakalu tokanu hinkakletatshine, Hoyakalu nurrene tokanu hichinikanu hiyrun-koxa hixa Wutsrukate Jesus Wiwekkakjeru nurrenwu, tokanu hijretle hichinikanu.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.